陳漢記 (已結業)

原来晏昼冇煲仔饭架，咁唯有叫粉面肠粉，但系质素强差人意。服务半好半坏，落单嘅男人乱咁落单，叫特餐冇落特餐，叫走蚝油冇走蚝油，反而上菜嘅女侍应好有礼貌，对我嚟讲喺茶记系好少见。*特餐 (叉烧汤意粉、炒蛋、多士) $42叉烧汤意系茶记classic！叉烧望落好似干柴，但其实叉烧嫩又唔干，少少咸，意粉少少韧、滑捋捋，整体系唔错。炒蛋普通，唔会太干，但冇蛋香。多士薄过纸，所以烘完干到🙄鲜靓墨鱼丸面 $34墨鱼丸系来货，普普通通。面底份量正常。叉烧肠粉 $26叉烧同特餐一样，质素唔错，肉质嫩，但肠粉本身就好难食，质地好粉好似浆糊，食落去系一pat一pat咁，太可怕🥺而且完全包唔住入面嘅叉烧。