乜嘜雞蛋仔

营业中

休息中

差唔多两点口痕想食啲嘢，虽然小店位置略偏，但都有两三个客等紧，叫咗朱古力格仔饼 ($27)同牛肉烧卖(7粒$10)各一份，而且姐姐好友善～牛肉烧卖：只系普通鱼肉烧卖加啲牛肉，鱼肉烧卖味重好多，无咩特别（最满意系叫少豉油真系有少到😂😂）格仔饼：即叫即整，但价钱略贵🙈饼体略甜，有蛋香但无咩朱古力味，酱料俾得超级足，而且贴心地有另外攞纸包住件饼（即系纸袋入面再有张纸包住），以呢个酱汁量而言真系好必要。惊喜位在于用粗粒花生酱，食到原粒花生+花生酱香，加埋相对流质嘅朱古力酱系个唔错嘅配搭，有个小问题系粗粒花生酱食落好黏口，但个人觉得瑕不掩瑜，系一份好食嘅格仔饼。