影片
更多
2015-03-28
2342 浏览
不时都有参加吓U Magazine嘅网上抽奖，但一向都甚少有中奖缘，卒之机会来临，虽然只喺小小一份韩式海鲜参鸡汤，唔喺话好值钱，只值一百几十，不过，总算叫做中吓奖，有运行吓 。故此，是晚就「专灯」过嚟荃湾新开无耐嘅Kim’s Spoon「领奖」。餐厅位于商场二楼电梯口，一上就见到。初时斋睇门面，以为间餐厅唔喺好大，原来餐厅呈L形，入到埋边仲有好大个用餐区 。水泥地，水泥墙身，杏色衬黄，撞得几型格，又简约。虽然今晚摆到明喺嚟食个海鲜参鸡汤，不过，都翻翻餐牌，当攞个参考，因为始终荃湾区都多机会嚟，记录吓依度有咩选择，会唔会有咩好食。款式属于大包围，样样有啲，好似韩式年糕、部队锅、炸鸡、韩式豆腐汤……等等，又有揉合新派铁板及传统韩国食材嘅料理，而且胜在定价唔贵㖞，摆明抢占年轻人生意。餐枱上有清水（自斟）及泡菜（任取），当然，食几多先至好夹几多，千祈咪嘥嘢 。讲番个海鲜参鸡汤，喺店内嘅新张精选，原价$188，依家只喺卖$98，虽然唔知几时先变番正价，但话唔埋都喺几宣传手法，变成长期特价嚟吸引人。 海鲜参鸡汤 $98 甫上枱嘅海鲜参鸡汤非常滚热辣，除咗清楚可见原只肥鸡外，仲有大大件八
餐厅位于商场二楼电梯口，一上就见到。初时斋睇门面，以为间餐厅唔喺好大，原来餐厅呈L形，入到埋边仲有好大个用餐区 。水泥地，水泥墙身，杏色衬黄，撞得几型格，又简约。
虽然今晚摆到明喺嚟食个海鲜参鸡汤，不过，都翻翻餐牌，当攞个参考，因为始终荃湾区都多机会嚟，记录吓依度有咩选择，会唔会有咩好食。款式属于大包围，样样有啲，好似韩式年糕、部队锅、炸鸡、韩式豆腐汤……等等，又有揉合新派铁板及传统韩国食材嘅料理，而且胜在定价唔贵㖞，摆明抢占年轻人生意。
餐枱上有清水（自斟）及泡菜（任取），当然，食几多先至好夹几多，千祈咪嘥嘢 。
讲番个海鲜参鸡汤，喺店内嘅新张精选，原价$188，依家只喺卖$98，虽然唔知几时先变番正价，但话唔埋都喺几宣传手法，变成长期特价嚟吸引人。
海鲜参鸡汤 $98 甫上枱嘅海鲜参鸡汤非常滚热辣，除咗清楚可见原只肥鸡外，仲有大大件八爪鱼，捞两捞仲有青口同墨鱼仔，所以，个参鸡汤绝对无做得粗心大意嘅感觉，相反喺真材实料之作，认真唔讲得笑 。
海鲜参鸡汤
$98
46 浏览
0 赞好
0 留言
卖相就先声套人喇，味道亦都唔差，汤内有成只手指咁粗嘅人参 ，但汤底参味唔算好重，但饮落有种甘苦味，饮完个人「暖笠笠」，据讲人参鸡汤含丰富营养、高热量，可助身躯消除疲累；汤内嘅八爪鱼好大只，软软腍腍，枱上已预备好大铰剪 ，方便剪细啲八爪鱼须，一口一粒慢慢食，而鸡肉都煮到好松化、软绵绵，一夹就撕得开，鸡肉带点参味，算唔错。
原本惊一个人食一份海鲜参鸡汤会唔够饱，已打算点多一客饺子，点知食到近尾发觉鸡内有唔少饭粒，清晒啲米饭饱肚到呢……撑住个肚走呀 。不过，啲饭粒煮出嚟个人觉得口感一般，又唔似汤饭，又唔粥，黏黏潺潺，有点胶质感，但感觉硬喺唔多似糯米㖞。
最后，一肚参汤，连嘢饮都无嗌，离开时带著一身热血身躯。小弟做事有时几迤，间中都会粗心大意，不过，讲到食，写食评，仲有啲心架 ！
题外话/补充资料：
纯粹一份网上抽奖礼品，虽然餐饭无俾过钱出嚟，我谂唔算试食活动啩！
(以上食记乃用户个人意见 , 并不代表OpenRice之观点。)
张贴
