MOS Burger (太古城中心)

营业中

休息中

听闻mos burger 有素burger(南瓜burger,牛蒡burger)已经系好耐之前既事啦,但真正叫又真系第一次，终于一睹佢庐山真面目!太古呢个food court 真系好多人…今日仲要星期六，揾反个靓位坐下先！虽然要同人搭枱,但都无损我靓靓心情。南瓜burger+田园沙律再+粟米浓汤都只系48蚊咋，出面食个素burger闲闲地70-80蚊不等,仲要加一无餐跟,呢个价真系抵。我仲要等埋我个朋友先开始有得食， 但系等待既时间入面个包居然无出油，入面既南瓜饼仍然保持脆口。新鲜既沙律份量都几多,菜都无变黄;令人最开心莫过于粟米浓汤。同西式粟米忌廉汤最唔同系佢虽然佢无咩忌廉味，但佢好甜好香好日式，无咩粟米粒都会令你觉得好幸福😉值得一试。