粵藝館 (時代廣場)

营业中

休息中

纪念日放假逛时代广场用吓消费劵，期间经过粤艺馆见几多人等候入坐，后来仲见到有师傅即场烧乳猪，于是被吸引咗入去食晚饭噜。点菜梗系留俾付款嘅某人啦，今次祇系负责食咋。头盘食只酒香扑鼻嘅醉鲍鱼，口感爽滑，加埋鲣鱼丝又几特别。花胶响螺炖西班牙黑毛猪火腿汤，汤水清润顺喉带微微咸香。花胶有点厚度又大块，某人话呢度花胶唔错，又一道骨胶原菜式出现。花胶大大块又厚又滑，要用刀叉切开嚟食，翠绿菜胆甘味爽口。叉烧肥瘦适中酥软蜜味，中间放有鱼籽响葱丝上，矜贵又好味。凤尾虾上菜时已经香喷喷，金沙包裹住大虾，肉质爽脆满有咸香，锅巴香口松脆。呢个一蟹两艺好有趣，脆卜卜炸蟹件啖啖肉，配埋陈醋野菜沙律解腻又开胃。皇室焗酿蟹盖系软壳蟹嚟，外脆内软仲有忌廉馅，几得意。热辣辣瓦罉上枱时唐生菜未熟嘅，要用钢匙翻炒几吓发出啫啫声，瓦罉热力就把菜灼熟了，配埋虾米肉碎好惹味。食完饭要食个糖水结尾，滋润养颜又好味。昨天逛海港城发现都有粤艺馆，下次可以试试。