影片
更多
2010-09-17
147 浏览
星期一放例假，又可以去行街。先去有名嘅富记食粥。去到时十二点几，人都几多，第一间店坐满，于是过隔离。两个人，叫咗一碟叉鹅饭同一个及第粥。见到搭枱嘅两位男士叫咗个二人餐，有汤又有两个𩠌好似好吸引。过咗一阵，叉鹅饭先来。都几大碟，好多饭，不过系无汁嘅，唔会淋d叉烧汁落去，要自己落豉油。叉烧及鹅各有5-6旧。叉烧半肥瘦，有几旧几淋，但有几旧又硬硬地。味道调得惹味又不会过咸，带少少甜。烧鹅虽不算很惊喜，但味道、肉质不错，烧得几甘香，又不会太肥，送饭是不错的。食个饭食到一半，个粥就黎嘞。毕一毕，竟然有瑶柱丝，好少粥舖会咁落本用瑶柱啰。粥底系稀绵𠮶只，味道鲜，但猪什份量与种类不多。只有猪腰、润、肉片同粉肠，猪肚同猪心欠奉。肉片最多，好在唔鞋je~其余内脏清洗干净，无异味。会再来试佢地嘅二人餐，好似好惹味咁~
先去有名嘅富记食粥。
去到时十二点几，人都几多，第一间店坐满，于是过隔离。
两个人，叫咗一碟叉鹅饭同一个及第粥。
见到搭枱嘅两位男士叫咗个二人餐，有汤又有两个𩠌好似好吸引。
过咗一阵，叉鹅饭先来。
都几大碟，好多饭，不过系无汁嘅，唔会淋d叉烧汁落去，要自己落豉油。
叉烧及鹅各有5-6旧。
叉烧半肥瘦，有几旧几淋，但有几旧又硬硬地。味道调得惹味又不会过咸，带少少甜。
烧鹅虽不算很惊喜，但味道、肉质不错，烧得几甘香，又不会太肥，送饭是不错的。
食个饭食到一半，个粥就黎嘞。
毕一毕，竟然有瑶柱丝，好少粥舖会咁落本用瑶柱啰。
粥底系稀绵𠮶只，味道鲜，但猪什份量与种类不多。
只有猪腰、润、肉片同粉肠，猪肚同猪心欠奉。肉片最多，好在唔鞋je~
其余内脏清洗干净，无异味。
会再来试佢地嘅二人餐，好似好惹味咁~
张贴
