影片
更多
2023-05-03
779 浏览
「新记」一向出名食贵妃鸡粥同红烧乳鸽，但其实佢啲小菜都一样咁正，今晚就同朋友嚟筲箕湾分店开餐。餐厅占地 2 层，门面光猛，环境舒适，装修简洁又企理。红烧元朗脆皮乳鸽 ($76) 乳鸽即点即炸，新鲜热辣，大小适中，骨肉匀称，调味亦啱啱好，咬落皮脆肉嫩又 Juicy，唔使点淮盐食已经好好味！贵妃鸡粥 ($59) 鸡粥大大煲，鸡味十分香浓，粥底好绵好入味，充满鸡油香，鸡肉滑嫩又有肉地，一啲都唔嚡口，加埋香脆嘅油条 ($12)，送粥一流！菠萝咕噜肉 ($61) 咕噜肉卖相好靓仔，用上肥瘦均匀嘅肉嚟烹调，入口外脆内爽，配料有菠萝、洋葱、三色椒等，伴以酸酸甜甜嘅甜酸汁，很惹味。豉汁蒸仓鱼 ($67) 加咗 $20 将蒸鱼转咗做套餐，配热饮及白饭一碗，转冻饮+$3。条鱼好新鲜，肥美肉厚，以传统嘅豉汁嚟蒸，火喉掌握得恰到好处，鱼肉食落好嫩滑，加埋豆豉齐吃，咸香惹味，用嚟送饭啱啱好！食完饭再叹番杯冻奶茶(+$3)，一乐也！杯奶茶饮落唔错，够滑同有茶味😋
「新记」一向出名食贵妃鸡粥同红烧乳鸽，但其实佢啲小菜都一样咁正，今晚就同朋友嚟筲箕湾分店开餐。
餐厅占地 2 层，门面光猛，环境舒适，装修简洁又企理。
红烧元朗脆皮乳鸽 ($76) 乳鸽即点即炸，新鲜热辣，大小适中，骨肉匀称，调味亦啱啱好，咬落皮脆肉嫩又 Juicy，唔使点淮盐食已经好好味！
贵妃鸡粥 ($59) 鸡粥大大煲，鸡味十分香浓，粥底好绵好入味，充满鸡油香，鸡肉滑嫩又有肉地，一啲都唔嚡口，加埋香脆嘅油条 ($12)，送粥一流！
菠萝咕噜肉 ($61) 咕噜肉卖相好靓仔，用上肥瘦均匀嘅肉嚟烹调，入口外脆内爽，配料有菠萝、洋葱、三色椒等，伴以酸酸甜甜嘅甜酸汁，很惹味。
豉汁蒸仓鱼 ($67) 加咗 $20 将蒸鱼转咗做套餐，配热饮及白饭一碗，转冻饮+$3。
条鱼好新鲜，肥美肉厚，以传统嘅豉汁嚟蒸，火喉掌握得恰到好处，鱼肉食落好嫩滑，加埋豆豉齐吃，咸香惹味，用嚟送饭啱啱好！
食完饭再叹番杯冻奶茶(+$3)，一乐也！杯奶茶饮落唔错，够滑同有茶味😋
张贴
