南龍粥店 (已搬遷) 新店位置

今日行经呢间粥店,见到铺面几整齐清洁,自己个肚又有少少肚饿,就入去试吓佢啦。坐低望吓餐牌有乜野好食,佢地有汤饭、蒸饭及粥品、油器及饺子等,个粥品种类算几多及有新颖配搭,我就钟情旧式粥品多d,所以叫咗个及第粥同炸两。及第粥材料够足料,有猪肚、猪腰、猪膶、猪心及猪肠各两旧,全部都好鲜味,正!,如果加返肉丸咁就完美嘞。可惜个炸两就差少少,条炸面以为会有少少脆口,点知口感似食牛脷酥咁,成碟嘢冇乜温度,如果炸两个肠粉皮佢地可以做到即叫即卷就会完美d。