羅富記粥麵專家

营业中

休息中

星期六中午，开完例会，又系寒冷的一天，谂起不如食粥去，虽然唔饱肚，但系可以暖暖肚。入去当然系叫粥，一碗肉丸粥 + 一碟油菜(菜心) + 酥炸鲮鱼球。1. 肉丸粥 - 唔系机制，一睇就知系人手打出嚟，肉质嫰滑，又富弹性，弹牙无比，粥底就更加不用多说，超绵，啲米完全融入水中，好似桨糊咁，加埋大量葱花，真系食到唔停得口。2. 油菜 (菜心) - 又粗又大，非常鲜嫰，虽然冻天啲菜系靓啲，但系佢真系拍得住酒楼级数，值得一赞。3. 酥炸鲮鱼球 - 本人就一向唔好此道，但系小公主极力推荐，就试一试，果真有返咁上下散手，做得唔错。Comments: 完全系最高境界，每一样食品都一丝不苟，睇得出由上至下，厨房至楼面，虽然都不算年经了，但真系敬业乐业，佩服佩服。叫得自己做专家嘅，真系唔会乱噏，不过都系睇地区嘅，中环呢区就一定冇走鸡，如果唔系，我相信晨早就执咗了。下次希望有机会试埋佢嘅面食。