發記腸粉粥品

营业中

休息中

是日一行4人黎到元朗揾食，朋友强烈推荐呢间粥店，话啲粥超好食，尤其鸡粥，间铺超旺场，坐满哂人，去到都要排队等左约15分钟先有位，不过果然冇令人失望。睇左阵餐牌叫左两个粥，一碟肠粉同一碟炸两share。先讲果炸两，真系好普通，冇咩特色，但当然唔系难食啦！到果香菇鸡丝肠，虽然话系鸡丝，实际系鸡件黎，啲料多到肠粉都包唔住，18蚊黎讲完全超值夹抵食啦～到朋友极力推荐既靓靓鲜鸡粥，粥底好鲜味，啲鸡劲滑，仲要一碗粥劲多鸡件，好似唔洗钱甘，超足料。相比起鸡粥，我更中意呢个靓靓碎牛粥，因为果粥底仲正，仲鲜甜，配啖啖碎牛真系好好食，啲碎牛又系多到好似唔洗钱甘，劲足料，仲要都只系26蚊，性价比超高。整体黎讲，真系好抵食，4个人先食左一百蚊多几蚊，仲要样样都好足料，食到甘饱每人先要廿几蚊。黎呢到都唔洗睇环境，唔洗睇服务，服务系快同快既服务，即系落单快上菜快收野快既传统港式餐厅服务。