發哥粥底海鮮火鍋 (已結業)

平时通常黎依度饮茶，好少食火锅。唔讲唔知依度有火锅食。今次同朋友黎试粥底火锅，首先店员会比前菜同汤，汤十分足料！以前从来都未食过粥底火锅，原来系几好味！粥底，顾名思义就系粥水汤底粥水。一开始心谂点会好食架咪姐系好似普通水咁，咁咪无味？！但原来系有米香, 令海鲜好鲜甜依间餐厅可以自选八款配料, 其实份量已经好足够, 想任食可以叫鸡煲~(另外见到有小菜食, 好似都唔错, 有机会黎试试~)海鲜都算足料, 份量算多, 而且新鲜, 另外d牛肉劲大块, 食果阵无咩雪味。其他都ok, 无咩特别, 但唔会难食~食完配料之后我地叫店员拎粥黎放入锅入面, 瞬间就变左海鲜粥。保留左岩岩海鲜同所有配料的味道, 就算唔落盐一样都够味, 清清地几鲜甜。