影片
更多
2015-01-30
1978 浏览
小妹由细到依家都好喜欢食肉类既食物，无论点都好一日三餐都要有肉，所以家人都会叫小妹做「食肉兽」，而咁多肉类当中除左羊肉之外，另一类当然就系牛肉啦!因为牛肉可以提供高质量的蛋白质，而且含有与人体比例一致同全部种类的氨基酸，当中所含的肌氨酸比任何食物都高。除此之外，牛肉的脂肪含量很低，仲含有矿物质和维他命B杂，可以为人体提供每天所需要的铁质。因为小妹太喜欢牛肉啦，所以又点可以错过同一班朋友一试有肥牛专门店之称既北斗翁顶尊火锅料理的粥底牛肉盛宴呢!Yeah Yeah Yeah !!!粥底牛肉盛宴我黎啦!!!一入到去已经觉得环境好舒适宽敞，未食已经俾环境吸引住啦!!!如果一家三/四口子就当然要坐佢地既Sofa卡座，自己自成一阁，有一种好似包左个小厅既感觉呀!!!一坐埋枱小妹就已经见到好多林林种种既酱油同配料，例如XO酱、葱、沙嗲酱等...haha...又系小妹搞搞阵既时间啦!!!平日在家中混酱时就最爱加入生同熟蒜，因为小妹太心急啦，有时食物未熟已经放入口中，所以生蒜可以杀杀菌!!!而北斗翁既食材咁新鲜，简简单单既混酱就已经好好味，唔洗多加花样啦!!!当然混酱系要视乎自己个人喜好...Haha!
小妹由细到依家都好喜欢食肉类既食物，无论点都好一日三餐都要有肉，所以家人都会叫小妹做「食肉兽」，而咁多肉类当中除左羊肉之外，另一类当然就系牛肉啦!
因为牛肉可以提供高质量的蛋白质，而且含有与人体比例一致同全部种类的氨基酸，当中所含的肌氨酸比任何食物都高。除此之外，牛肉的脂肪含量很低，仲含有矿物质和维他命B杂，可以为人体提供每天所需要的铁质。
因为小妹太喜欢牛肉啦，所以又点可以错过同一班朋友一试有肥牛专门店之称既北斗翁顶尊火锅料理的粥底牛肉盛宴呢!
Yeah Yeah Yeah !!!粥底牛肉盛宴我黎啦!!!一入到去已经觉得环境好舒适宽敞，未食已经俾环境吸引住啦!!!
如果一家三/四口子就当然要坐佢地既Sofa卡座，自己自成一阁，有一种好似包左个小厅既感觉呀!!!
一坐埋枱小妹就已经见到好多林林种种既酱油同配料，例如XO酱、葱、沙嗲酱等...haha...又系小妹搞搞阵既时间啦!!!平日在家中混酱时就最爱加入生同熟蒜，因为小妹太心急啦，有时食物未熟已经放入口中，所以生蒜可以杀杀菌!!!
而北斗翁既食材咁新鲜，简简单单既混酱就已经好好味，唔洗多加花样啦!!!
当然混酱系要视乎自己个人喜好...Haha!!!
除左有混酱材料，枱面仲已经有好多唔同既饮品呀!!!由左起有橙汁、酸梅汤、竹蔗水，食火锅可能都会有少少燥热就等小妹拣番样下火饮品先。
系店内除左有以上面个几款饮品之外，仲有多款不同既酒类可以选择，啤酒、日本清酒...你睇下个酒柜就知有几多选择啦!!!
小妹同一班朋友又点可以错过店内推介既赞 大吟酿呢，大吟酿一般是以50%左右的精米酿制，酿成后会有自己特有的酒香同色泽。
小妹平日饮清酒时都会以热水座暖清酒先饮用，但今次依款同小妹平日饮既好唔同，而系用冰水座至清酒冻身才饮用既!!!一问之下，原来好品质既清酒应该系冻饮既，因为冻饮先可以真正品尝出清酒既顺喉、醇滑、香味、同辛或甘既味道。
的确今次饮既清酒没有平常饮用时只觉得口内同喉咙辛辣。这次试入口时，觉得比清酒比平常的香醇，在喉咙时不会有想它快点滑下去既感觉。令次一试后，小妹开始慢慢改变了我对清酒既想法。
对小妹而言，食火锅最好既饮品配搭当然就系啤酒啦!!!店内提供了两款不同由啤酒机打出来既啤酒，分别为1664 Blanc及Hoegarden。小妹就选上平日最爱的1664 Blanc。
今次盛宴既主题系粥底牛肉，意思当然系以粥底作为汤底啦!!!今次有好开心可以食到瑶柱白粥锅底呀!!!
你地睇个粥底滚起时未放材料已经好香米味，而入口亦好绵!!!今次另一重点系牛肉，小妹又点可以错过试店内不同既牛肉配料呢!首先为大家介绍既有顶级雪花肥牛。美味可口肥牛要好食除左要肥牛本身有网状既雪花纹外，当然每片肥牛既厚度都会好影响口感啦!!!
你地睇依碟切到厚薄相称既雪花肥牛，每片肥牛上既雪花都好平均分布系牛肉上，未食已经知道渌完出黎一定会好可口。
果然入口已经食到浓浓既牛香，而且肉质相当滑嫩，好好味呀!!!一碟顶级雪花肥牛又点可以满足到小妹同一班朋友呢!登登登登...有只至尊牛肉船即刻登陆我地张枱啦!!!
只至尊牛肉船分为两面，两面都以冰镇方式将牛柳片同牛柳粒送上。WOW!!!一片片切得厚薄适中既牛柳片，上面满布雪花纹，而且脂肪比例适中，相信食完味蕾一定可以好满足。
由于小妹食牛肉都喜欢比较嫩身，所以轻轻一渌就己经将牛肉放入口中啦!!!!
一入口牛香已经慢慢涌出来，而且牛肉口感很好，一点韧既感觉都没有，令我好想一食再食呀!!!系至尊牛肉船上除左牛柳片，又点可以唔试埋牛柳粒呢?!
一粒粒既牛柳粒同先前既牛柳片一样都满布大理石般油花，而且师傅已经将牛柳切成一粒粒适合一口食用的大细，真系好细心呀!由于牛柳粒比较厚身，小妹都系决定要渌耐少少先食。但就算渌既时间长左，但肉质都唔会好老身，而且牛肉味比雪花肥牛更浓郁。
话明系食牛专门店又点会得至尊牛肉船同顶级雪花肥牛两款牛肉配料咁少呢?!
小妹仲试埋佢地自制牛丸添，每好似波子般既牛丸整整齐齐排系碟上等紧小妹同朋友们!!!
牛丸入口弹牙，而肉汁依然保留系入面，味道令人回味。识食牛当然仲会食埋牛既其他部位啦!!!就等小妹由牛头开始介绍啦!!!
头入面当然包括牛既口啦，而小妹要介绍既系口入面既精选牛脷托...用黎做火锅配料小妹都系第一次食呀!!!
平日BBQ食到既牛脷托都系好脆身，而今次用渌既方法令牛脷托好爽脆烟韧，下次食火锅一定会再点呀!牛胃又点少得呢，今次食到既系牛既第三个胃(瓣胃)亦者系牛柏叶，我地食既仲要系爽脆黑柏叶。一般牛柏叶都系白色，因为经漂白过。
依个黑柏叶好爽口，烟韧但又唔系咬唔开个个感觉，好好味呀!!!除左牛脷托同黑柏叶仲有牛骨髓，奶白色既牛骨髓渌完好似热热既啫喱，好得意呀!!
除左牛之外，一入门口就见到有大大个鱼缸，好多新鲜既海鲜系入面游来游去，小妹又点可以唔试下D新鲜海鲜呢?!
平日龙趸起肉炒成小菜就食得多，今次就要试下渌生㓥龙趸片。
WOW!!!一片片厚厚而且雪白既龙趸片，好吸引呀!!!依个龙趸片肉质滑嫩而且啖啖肉无小骨，对于怕鱼食到骨既朋友就最好不过!!!大鱼又点只龙趸，仲有鲩鱼呀!!!脆肉鲩骨腩片最岩小妹啦!!!
虽然系鱼腩位置会比较多骨，但师傅贴心地将鱼腩切成一片片薄得可以透光般既腩片，所以就算唔系好识吐骨既朋友都唔怕俾骨卡于喉咙，而脆肉鲩渌完唔会散晒，入口好滑呀!!!食完大鱼当然要食下D体型比例细小小既鳝啦!!!咸淡水鳝片呀!!!
放入粥底不消数分钟就有肉质爽脆既水鳝片食啦!!!手打鱼滑就系小妹鱼食之中其中大爱啦!!!因为小妹屋企都可以算上系水上人，家中食火锅时都会自己亲手打鱼滑，试过自己打就知道要打出好味又滑既鱼滑好考功夫 (小小TIPS:如果打既时间要去走油腻可以用茶代水打)。
今次食到既鱼滑，完全唔腥之余仲好弹牙，而且好足鱼味，完全系百份百用鱼打出黎，而唔系一般加左面粉打出黎个D!!!食肉兽既小妹当然除左牛同鱼之外仲要试下其他肉同内脏啦!!!
首先有顶级鸵鸟肉!!!鸵鸟肉又系含有丰富蛋白质，而且含有多元不饱和脂肪酸，就算食多左都唔怕!!!
鲜红肉滴既鸵鸟肉，渌完肉质都唔会老身，味道相当不错!黄沙靓猪润对于平日小食猪润既小妹都忍不住口呀!!!
依碟猪润唔似一般食到咁好粉，而系爽口，仲要去走根，令猪润唔食有渣!!
仲有碟新鲜鹅肠等紧小妹添!!!轻轻渌一渌就可以食到爽脆既鹅肠，真系性急小妹既大爱!!!食左咁多肉同内脏又点可以试下其他野呢?! 北斗翁既镇店水饺皇都好美味!!!
一只只大过汤匙既水饺，入面包住数只虾、木耳丝、虾肉等材料。一口入面总会食到弹牙既鲜虾同爽口既木耳丝!!!YUMMY!!!店内脆口炸腐皮都好好食，因为都系新鲜即炸成金黄色，所以上枱时有散散香味，绝对唔系出面食到好有油"益"味既响铃...
而个脆口炸腐皮有两个食法，可以用提供既酸甜汁醮来食，另一个方法就系醮粥底...由于小妹钟意食脆卜卜既食物，所以都系醮酸甜汁!!!一枱到都系食物，真系好开心呀!!!
当差不多饱饱之际又点可以唔食埋个日式野菜篮平衡下呀!!!一个菜篮有多种不同既蔬菜，例如:生菜、西洋菜、金菇菜...
食饱之后仲有水果同甜点作总结，真系好完美既粥底牛肉盛宴呀!!!
张贴
