靠得住粥麵小館 (已結業)

今日午餐食清淡啲， 去咗间粥店。 呢间连锁式经营嘅粥店系米芝莲之选， 质素自然有保证。舖头人流都算多， 车轮转咁， 大约等咗十分钟先至有位。 铺头都算干净， 枱櫈同餐具等都算企理。今次就嗌咗碗蚝仔粥搭配舖头自家制嘅招牌咸肉粽， 另外就嗌咗客狮子头菜饭。讲咗碗粥先， 呢度嘅粥底标榜无味精， 但出奇地粥非常鲜味， 因为舖头粥底系由鲜鸡淆制而成， 所以斋食粥已经非常惹味， 搭配蚝仔嘅鲜味， 可以话系画龙点睛。 呢度嘅粥 ，真系仲好味过出面啲味精粥， 超级终极强烈推介。狮子头菜饭系上海菜， 食得出落咗花雕酒， 令到狮子头唔单止好味，仲非常之香。 猪肉碎搭配豆腐同蛋𠮶种口感， 真系吸引人一啖锡一啖，食到唔识停。呢两味𩠌价值都系80蚊左右， 味道咁好而言， 超抵食。