好旺角粥麵專家 (已結業)

在大热天时旺角行街, 没有一点忍耐力真的好难成事.到处都是人之外, 街与街之间个种焗真是非笔墨能形容.所以如非必要, 都不会到旺角一趟.适逄著开的波鞋都已旧了, 所以谂住到波鞋街搏命.经过几个钟后终于买到自己的心头好.见时间尚早, 就谂住去食番碗面医医肚.不断揾下揾下, 见到呢间野既个门口好似煮面好专业咁,就入去试试.由于还是下午茶时段, 见到个menu 可以一个价钱选择粥及面, 见几抵.就试试: 凤城水饺面+巧制肉丸粥(细).不出五分钟, 就黎左个肉丸粥. 哗! 个肉丸好大粒. 有咬口.粥底好绵. 亦都同d 肉丸味好夹.过多十分钟时间, 因为要即整水饺,所以煮耐少少. 都无可厚非.见个卖相, 就同出面麦x记个类整法差不多个面一d 都唔淋, 没有碱水味, 份量都不少. 不会一啖就无左.水饺只只都有大虾在内, 大大只咁好抵食.汤底就是虾子汤底. 加埋韮王. 成碗加埋既 match up 真是一整碗连汤食加饮哂.总括而言, 呢个粥面组合可以话天造之合,单一碗都已经足以饱肚. 更何况两碗?下次有机会再试埋其他