好旺角粥麵專家 (已結業)

同朋友喺旺角行完街，想食下粉面，於是就隨心入咗呢間鋪頭。鋪頭外面有好多報道，似乎係做遊客生意，不過因為近期嘅社會運動，店入面冷清左好多。睇一睇餐牌，大部份嘅粥粉都比出面貴，但既然入咗嚟就決定試一試佢。我哋叫咗個焯魚皮，雲吞豬潤麵，同埋魚腩粥。個焯魚皮都幾爽口，而且麻油味濃，都唔錯。至於個雲吞麵，味道中規中矩，以呢個價錢來講唔係咁值。不過比較有驚喜嘅係個魚腩粥，足底好綿，而且好鮮甜。整體來講味道中等，不過價錢偏貴，咁樣買單都要過百

今日同朋友行過旺角，見到呢間唔算太多人，於是入咗去食飯。我地嗌咗個雲吞豬潤麵同魚腩粥再加個薑蔥魚片share。雲吞麵個大地魚湯，鮮甜得嚟有魚香。雲吞大細適中，蝦肉爽口彈牙。豬潤都煮得啱啱好，好爽脆，幾新鮮。另外個魚腩粥好綿好滑，魚腩份量好夠，成個粥好鮮。個魚皮都煮得好爽脆，一啲都唔腥，連埋啲薑蔥一齊食好滿足。

作為打工仔既我，經常放工之後行陣已經好晏，然而去到咁夜就唔多選擇，要好食就更加少。今次介紹呢間係專食粥麵既，但因為天氣熱好耐無叫過粥，睇住個麵先啦！豬潤炸醬撈麵嘩一睇個碟就已經好心動，係好厚既豬潤啊！！佢本身個豬潤係處理得好好，無渣又唔會煮過時，另外佢個炸醬又係好食，少少辣甜咁，再配埋佢個湯係好夾既，不過就咁飲個湯就會幾鹹同重梘水味。環境黎講都算係幾舒服，職員都係好親切，每次都會再叫多個菜一齊食。但價錢算係少貴，一碟麵係要成 $60，細食既女仔可以叫碗，份量少價錢係平啲咁。

一向做傳統味道嘅雲吞麵，本人最鐘意就係佢地個豬手撈麵加及第粥，覺得佢個麵有油香味，又爽口，及第粥足料又新鮮，豬手大大件煮得又入味粥底鮮甜又夠味，但對本人黎講就太貴啦！

粥好多味噌，未坐滿就開始趕人，服務一般，食物都係一般。自有分店之後就差左好多，價錢一流，服務九流，不推介這一家，好旺角以前在旺中對面係好食的，但呢間開左咁耐越來越差。

去到好旺角就是想吃她的新鮮鯇魚皮, 要吃到薑蔥涼拌魚皮的地方和機會, 這幾年真的愈來愈少, 最喜歡其爽彈, 配上花生和豉油加麻油的汁料更是滑中帶脆, 這裡的魚皮新鮮, 也將所有魚鱗打走, 沒有甚麼可挑剔的. 麵食點了豬手豬膶麵, 南乳豬手夠入味, 豬膶煮得剛剛熟, 厚切而彈牙就是煮得好的豬膶, 麵沒有太多梘水味, 但就是很短時間浸在湯內就變軟, 算是唯一的敗筆吧!

在大熱天時旺角行街, 沒有一點忍耐力真的好難成事.到處都是人之外, 街與街之間個種焗真是非筆墨能形容.所以如非必要, 都不會到旺角一趟.適逄著開的波鞋都已舊了, 所以諗住到波鞋街搏命.經過幾個鐘後終於買到自己的心頭好.見時間尚早, 就諗住去食番碗麵醫醫肚.不斷搵下搵下, 見到呢間野既個門口好似煮麵好專業咁,就入去試試.由於還是下午茶時段, 見到個menu 可以一個價錢選擇粥及麵, 見幾抵.就試試: 鳳城水餃麵+巧製肉丸粥(細).不出五分鐘, 就黎左個肉丸粥. 嘩! 個肉丸好大粒. 有咬口.粥底好綿. 亦都同d 肉丸味好夾.過多十分鐘時間, 因為要即整水餃,所以煮耐少少. 都無可厚非.見個賣相, 就同出面麥x記個類整法差不多個麵一d 都唔淋, 沒有鹼水味, 份量都不少. 不會一啖就無左.水餃隻隻都有大蝦在內, 大大隻咁好抵食.湯底就是蝦子湯底. 加埋韮王. 成碗加埋既 match up 真是一整碗連湯食加飲哂.總括而言, 呢個粥麵組合可以話天造之合,單一碗都已經足以飽肚. 更何況兩碗?下次有機會再試埋其他

回家途中路過，準備買碗炸醬魚片麵加油菜做宵夜，向收銀姐姐話要炸醬魚片撈麵，收銀：要咩魚片我：有咩魚片？收銀：有兩隻魚片心諗玩我咩，講嚟聽下好喎我：咁係邊兩隻呢？收銀：鮮魚片同魚蛋粉嗰啲我：要魚蛋粉嗰啲，加個菜，有咩菜呢？收銀：無晒魚片喎我：....咁加個菜，有咩菜？收銀： 咪住，炸醬麵要大定細我：大吖收銀： 我依家答你，菜賣晒心諗早知唔要啦，不過見你打晒單，算數。當另一員工包緊外賣嗰陣，我向佢要求辣椒油，但我估唔到$51蚊嘅炸醬麵，居然連基本外賣嘅辣椒油都無，阿叔一手打開個盒，瀟灑咁一拋去我面前叫我自己落。。。。如果味道好食的話，我接受，但同街邊廿幾蚊碗嘅分別不大，甚至別家個炸醬更好味，無下次。

行完花墟唔經唔覺行到花園街，嚟到呢間粥麪店，人客甚多，應該有一定水準。坐下食番碗生滾牛肉粥，粥到時已傳來陣陣熱辣足辣羗絲葱花香味，粥底夠晒軟绵，稀杰適度，牛肉新鮮嫰滑，件頭厚厚，份量十足，鹹度又啱啱好，颇具水準嘅粥品。

每次去旺角，如時間許可，一定去好旺角，食其炸醬麵。自己起碼光顧了好旺角二十年，今天再食其名物，水準尚可保持。麵彈牙，亦爽，非常可口。其炸醬似甜醬，但應加了些柱候醬，有別於一般麵家炸醬麵的味道。而我非常愛這味道。但我發覺炸醬裏原先的肉絲，今天巳變成了肉碎，影響了口感，令我有一點點失望。還叫了一碗生菜鯪魚球粥。吃一口，粥底可以，但未算綿。生菜絲算多，鯪魚球有陳皮味及蝦米碎，味道不錯。值得一提，這炸醬麵及鯪魚球粥是下午套餐，盛惠$58元。雖說麵及粥的份量比正常略少，但以此價錢，可以説不貴，值得再光臨。

由於太早食完晚餐, 兩個人出到旺角, 漫步找尋一些light D 嘅宵夜。可惜路邊小吃擠滿了人群, 又不是我們杯茶。而一般的餐廳晚餐又太 heavy! 本來想立食小籠包, 結果發現 "好旺角"!呢間服務態度出名超差, 我也很久沒幫襯了, 仍記得它的粥是很綿很好食的。今次已經好夜了, 兩個人只叫了一碗淨雲吞及一碗淨水餃 share!雲吞有 8 隻, 是足料的, 蝦亦爽甜, 皮薄饀靚, 一貫的水準。水餃有 6 隻, 夾着木耳絲, 同樣皮薄饀靚又爽口。對兩個只想食少少野, 但唔想食得太飽的人而言, 呢個份量剛剛好。其實呢間野的水準一向都好, 只係服務太差 .... 如果有改善必定會常來。

今日在旺角做完野，搵宵野食，路過見到呢間就入左去食，由於唔係太餓，三個人叫左唔係好多野，叫左碗雲吞麵，有成五粒雲吞，叫左個淨雲吞同白灼爽脆魚皮，個面係好食既，我比較鍾意食硬身少少的麵，所以好味。雲吞皮都算薄，所以都ok! 凈雲吞都有成八粒，白𤆥爽魚皮加d辣椒油比較好味，$37唔算好大碟，但係好食，結果三個人食左$111。服務都算ok 啦，d 伙記都好helpful! 又唔使等位，宵野是個不錯的選擇。👍🏻😊

約了朋友吃飯，在聊晚上要吃什麼才發現原來兩個都半感冒中.....結果兩個病患吃飯，就只能吃粥品類吧😂.雖然是病患，我也不想太隨便去填飽肚子，畢竟生病也該對自己好點的慨念（？），就上網搜了附近有什麼粥品可以吃，就找到好旺角.兩個女生點了一個粥，一個炸醬麵跟剩雲吞。這家#炸醬麵 很甜，不會覺得醬汁太濃太膩，雖然這是第一次我吃炸醬麵，但滿合我口味。然後粥底也很甜，濃稀度也剛好，不會覺得太水汪汪或是米太多～.#旺角 #poyeefoodie

病病地最岩就係食粥，清淡得黎又健康。行過花園街近登打士街一帶有幾間粥店，對比起對面幾間，好旺角比較新淨同衛生，而且都知佢開左好多年，質素應該有保證，無得大魚大肉已經慘慘地，所以希望食返碗高質d既粥😂見到生滾粥三隻字，就即刻比佢吸引左入去！ ⭐️鮮菇牛肉粥整碗粥十分足料，有大量牛肉同菇。牛肉每舊都好大舊，煮得剛剛好，肉質好林同埋好嫩滑，十分不錯，粥既調味都剛好，食完之後唔口渴。不過缺點就係粥欠缺菇香，可能係因為呢種菇菇味唔夠濃。同埋粥可以再綿密d，因為都比較多粥水。⭐️皮蛋瘦肉粥呢個係朋友嗌既，我就無試到。不過同樣係非常足料，瘦肉同皮蛋既份量都好多！ 粥店黎講都ok既，但未算得係話好好味。

到底係隔離飯香定物以罕為貴？去到日本瘋狂食拉麵烏冬蛋包飯，係就係食過返尋味，但離港耐咗，個心都係會勁想食地道港式食物。一返到香港就要拿拿聲食港式晚餐醫肚，旺角區首推呢間，食親撈麵必到呀﹗淨雲吞 $37港式風味唔少得細蓉，呢日貪心d想食多d餸，叫碗淨雲吞，粒粒都有蝦無花無假，大地魚湯飲晒都唔會口乾足証無味精，細細碗居然有足足9粒，好抵食﹗牛筋腩撈面 $52好食嘅港式牛腩可遇不可求，呢間嘅牛筋膠質濃厚相當入味，牛腩明顯炆足時間夠晒淋，牛味十足唔似平價貨，當然唔少得跟麵嗰碗湯，旺角區嚟講$52蚊算相當抵食啦等拎外賣時，見到有兩位著住明顯係隔離街廣華嘅病人衫顧客，出嚟食粥麵又真係好過醫院餐嘅哈哈哈~