意樂餐廳 (天晉匯2)

营业中

休息中

月尾既时候，银包大缩水，粮尾一到，真系街都唔想出，出街食饭又贵，依家两个人拍拖食饭想揾啲又平又抵又打到下卡既地方真系好难。将军澳popcorn 越开越多期，呢日走过去见到呢间新既餐厅好多人排队，似乎唔错。墨汁海鲜意大利饭 $68，唔算太贵，连锁餐厅既价钱，食落好多墨汁，仲有少少忌廉既味道。反而面头既海鲜用蕃茄炒过，仲加左两片新鲜既香草，抵赞。不过我自己本身以为海鲜会同饭一齐煮，点知就分开咁摆上面，有啲意料之外，摆盘上系靓啲既，唔会净系黑炆炆咁一碟。另外男朋友仔嗌咗 鲜茄焗猪扒饭$5x ，抵赞既系好多配菜，好多汁，不过猪扒就干身少少，捞埋饭食会好啲。最后既系肉丸焗薯蓉，呢个有惊喜，薯蓉焗得非常香口，肉丸都唔少，$28都几抵食。ps. 另外见隔离台个焗薯条好正，下次再试。