利星火鍋海鮮小炒

营业中

休息中

订位嘅时候已经预订咗杏汁白费汤，开头都惊饮唔晒，因为我哋只有六个人，不过原来佢有细size所以就有口福，非常足料，啲汤渣多到吓死你，又多猪肺，个汤煲得好靓。琵琶豆腐味道都唔错，个汁落咗落去又唔会令到个豆腐林晒。生炒排骨就正常火星，不过都算大碟嘅。鸡蛋焗鱼肠听讲系必食嘅，洗得干净，冇苦味，鱼肠都算多，邪恶啲都值得嘅。等齐人嘅时候侍应哥哥问我哋要唔要预留烧鹅，咁我哋就要咗一份例牌，真系好食㖞，皮脆肉滑，而且又唔会好肥。美中不足嘅系原先想食肉丝炒面，因为呢个听讲又系必食嘅，可惜侍应哥哥话冇晒面叫我哋改做米粉得唔得，一心谂住系肉丝炒米粉，点知嚟咗碗汤米粉加条菜，呢件事我哋都觉得好搞笑。