影片
更多
2019-09-10
1463 浏览
相信老饕都知道六国酒店的黯然销魂饭，自推出后疯魔不少食客。每每限量推出，有时更一位难求，每年都令人非常期待，之前两次，都只听朋友口中讲个饭点好点正的我，只能流口水流足两年。今年黯然销魂饭同新Iphone的时间差不多推出，名为黯然销魂饭3.0，质料，味道，誓要再下一成。 难得有机会先睹为快，有朋友安排可以优先食，仲可以同六国酒店舵人陈颂勋先生坐低一齐食呢啲咁难得嘅机会当然唔可以错过。虽然个餐售卖日期由9月16日到到12月12日售卖时间星期一至四只限晚市，而且只接受预订。只限堂食，不设外卖。而且要食这个黯然销魂饭就食套餐，没有单点供应。今日来到当然吃呢个销魂饭套餐。先来嘅系羊肚菌螺头炖鸡，自古习惯饮汤先，来到传统为主的地方，当然不能错过呢个习惯，以嫩鸡，羊肚菌，螺头等慢火燩最少四小时以上，有鲜菌浓香，而且鸡汤的味道也绕梁三日，暖暖醒胃。而且炖汤，最重要系够热，这里绝对做得到。系食个销魂饭之前，先吃这个刚刚今年荣获香港国际美食大奖现代中式热盘烹调条虎虾银奖，虎爪金龙，以七吋的大花虾来做主角，加上椒丝和放咗五年嘅陈皮入撰，只虾可以两食，虾头加左虾滑，成个头再用咸蛋炒，两食来说，各有风头，当然都
每每限量推出，有时更一位难求，每年都令人非常期待，之前两次，都只听朋友口中讲个饭点好点正的我，只能流口水流足两年。
今年黯然销魂饭同新Iphone的时间差不多推出，名为黯然销魂饭3.0，质料，味道，誓要再下一成。
难得有机会先睹为快，有朋友安排可以优先食，仲可以同六国酒店舵人陈颂勋先生坐低一齐食呢啲咁难得嘅机会当然唔可以错过。
虽然个餐售卖日期由9月16日到到12月12日售卖时间星期一至四只限晚市，而且只接受预订。只限堂食，不设外卖。而且要食这个黯然销魂饭就食套餐，没有单点供应。今日来到当然吃呢个销魂饭套餐。
先来嘅系羊肚菌螺头炖鸡，自古习惯饮汤先，来到传统为主的地方，当然不能错过呢个习惯，以嫩鸡，羊肚菌，螺头等慢火燩最少四小时以上，有鲜菌浓香，而且鸡汤的味道也绕梁三日，暖暖醒胃。而且炖汤，最重要系够热，这里绝对做得到。
系食个销魂饭之前，先吃这个刚刚今年荣获香港国际美食大奖现代中式热盘烹调条虎虾银奖，虎爪金龙，以七吋的大花虾来做主角，加上椒丝和放咗五年嘅陈皮入撰，只虾可以两食，虾头加左虾滑，成个头再用咸蛋炒，两食来说，各有风头，当然都是虾身最好食。
当然讲返主角，销魂饭上场，个样绝对系贵气不凡。先讲讲有咩upgrade左，你睇个样完全唔知有咩改左，不过最重要系你睇唔到嘅嘢，呢个饭用左炸猪油，基本上用上点点滴滴，非常珍贵嘅烧猪油，令碗饭层次感觉都唔同左。你可能会话唔健康，久不久食有乜所谓？我唔理，食左先讲。
叉烧系主角，呢度用上极大件嘅新鲜脢头，八寸到九寸长的脢头好有气势，点解咁少见因为每只猪只得两条。烧得脆，加上蜜汁，厚切上，一啖咬下去，肉汁和蜜糖混合起来，劲正。吃得腻嘅话就食返两条菜。
鸡蛋来自广岛，煎至脆边，蛋黄流心，捞过饭到好正，再加上烧猪油，无得弹。仲要配上神级的香港頣和园御品精装酱油，更加口感变得多层次。销魂之名，仲有令你可以吃到感动的澳洲紫洋葱，配上个饭，更加好吃。饭就用上泰国米，粒粒分明又烟韧，可见这upgrade板真是无懈可击。
最后甜品系大红袍茶皇糕同金腿玫瑰酥，金腿玫瑰酥特别在系脆脆嘅酥皮里同时有玫瑰同火腿香，而大红袍茶皇就有解腻作用，如果你吃完饭食得饱左，食埋个甜品之后就更加刚刚好。如果你未听过黯然销魂饭3.0，强烈建议你要快啲预订黎试吓，卖晒就冇。往年都系好快已经爆满，唔想4.0先食，就订啦。
粤轩
湾仔告士打道72号六国酒店1楼
张贴
