粵軒

营业中

休息中

母亲节到处人多，再次光临呢一间酒楼，试埋上次未试过既点心。餐牌首先点左之前都有叫过既几款唔错既点心。黑鱼子花姑烧卖皇，HKD 22。虽然得2粒，但佢一粒等于平时1.5粒既size，所以好抵食。酱皇蒸凤爪，HKD 32。新鲜，大只。之后试新野。笋尖活剥虾饺皇，HKD 22。都系一样，大大粒，几新鲜。蜜汁叉烧包，HKD 32。要咬几啖先见到叉烧，正常水准。百花炸酿蟹钳，HKD 40。个人认为40蚊得2只有啲贵，虽然好食，但同出面嘅炸蟹钳差唔多味道。生煎韭菜虾饼，HKD 36。我本人唔钟意食韭菜，但系呢个整得好好食，韭菜mix虾饼原来咁夹，令我都成旧食晒，必点之选。碧绿叉烧肠，HKD 35。普通，冇乜特别。胡椒汤芋丝蒸鱼云，HKD 36。屋企人话个汤几好饮，我自己就觉得同平时酒楼差唔多，中上。