影片
更多
2022-05-09
1346 浏览
食辣唔食辣都推介嘅中餐馆首先嚟几个前菜，熏鱼豆干，熏鱼够传统，豆干口感不错。鸡软骨送酒一流，食完唔够皮再嚟多个。蒜泥白肉，蒜茸超香又辣辣哋，开胃惹味。主菜嚟嘞，首先嚟个盐水大蚬，完全无沙，蚬肉新鲜又鲜味，汤底粉丝味道好夹好正。焗胡椒海虾，虾新鲜又脆到壳都几乎食得，胡椒味够又香，同新加坡式胡椒虾对比又另一个风味四川香辣大肉蟹，蟹都非常新鲜，炒得入味又够辣，值得试吓。嗜辣嘅最期待主角出场，水煮鱼，够辣、够麻、够刺激，职员细心地帮手先分开辣椒，鱼肉好滑又爽口，垫底仲有鸭血、青瓜、芽菜等等，食川菜或嗜辣一定要食呢个，好赞。招牌咕噜肉又系必食，煮得比一般酒楼入味，酸同甜比例好好，加埋子姜去炒，色香味俱全。五指毛桃炖鸡汤，足料、香、浓，解辣不错。酥炸生蚝，外皮酥脆有蚝味。霸王辣子鸡，又系送酒必备，值得赞吓个腰果，好香甜又脆。最后一定要甜品，呢度个豆腐花台台都叫，香、滑、豆味浓，好赞。一间质素高嘅中川餐馆，职员服务个个都好好，值得大家一试。
首先嚟几个前菜，熏鱼豆干，熏鱼够传统，豆干口感不错。
鸡软骨送酒一流，食完唔够皮再嚟多个。
蒜泥白肉，蒜茸超香又辣辣哋，开胃惹味。
主菜嚟嘞，首先嚟个盐水大蚬，完全无沙，蚬肉新鲜又鲜味，汤底粉丝味道好夹好正。
焗胡椒海虾，虾新鲜又脆到壳都几乎食得，胡椒味够又香，同新加坡式胡椒虾对比又另一个风味
四川香辣大肉蟹，蟹都非常新鲜，炒得入味又够辣，值得试吓。
嗜辣嘅最期待主角出场，水煮鱼，够辣、够麻、够刺激，职员细心地帮手先分开辣椒，鱼肉好滑又爽口，垫底仲有鸭血、青瓜、芽菜等等，食川菜或嗜辣一定要食呢个，好赞。
招牌咕噜肉又系必食，煮得比一般酒楼入味，酸同甜比例好好，加埋子姜去炒，色香味俱全。
五指毛桃炖鸡汤，足料、香、浓，解辣不错。
酥炸生蚝，外皮酥脆有蚝味。
霸王辣子鸡，又系送酒必备，值得赞吓个腰果，好香甜又脆。
最后一定要甜品，呢度个豆腐花台台都叫，香、滑、豆味浓，好赞。
一间质素高嘅中川餐馆，职员服务个个都好好，值得大家一试。
张贴
