會所1號 港灣皇宴 (已結業)

粤放题 $196 半任食中餐几高质，六点入座，九点Last Order，可以食到十点半离座。基本每人「送」一只鲍鱼，半只龙虾，翅（或炖汤），半只乳鸽同Movenpick雪糕（或芒果布甸）。限量食材虽然唔算特别出色，但可以接受。任点任食有32款前菜及主食，不过建议开头唔驶点太多，因为基本送的四款限定食材上餐好快，其中乳鸽龙虾又要趁热食，食完再叫唔驶急。即使无饭落肚都肯定捧著肚走， 其实都试唔晒每款菜式，因为每碟份量几大，以一枱四人分享食，今晚只系试左大概一半菜式，唯一伏伏地系四川口水鸡，冻到结冰。我推荐卤水牛𦟌，丹麦叉烧，草莓虾球，黑松露元贝炒滑蛋，柚子鸡翼，椒盐一口豆腐，干煸四季豆及青瓜海蜇，真系有Encore！另外见到外甥女个儿童餐有个丰富定食盒，其中一格系黯然销魂饭！有惊喜！今晚中秋长假前夕都坐唔满半场客，四人限聚令下，小弟今年第一餐家族聚餐摆六围，食完围埋倾下偈都唔怕嘈到其他人。