車品品小食 (已結業)

人生交叉点 ： 去到大角咀，你只可以去「英记油渣面」或者「车品品」，会点拣呢？好彩今日唔驶拣，因为英记未开，可以放心去车品品。 鱼肉碗仔翅$22 一碗，梗系贵啦，但系又好足料，浓稠适中，仲鬼咁大碗，不过我唔钟意啲鱼肉，因为不是鱼肉，是鱼蛋切片的，用鲮鱼肉先啱啰。 干邑吉品鲍＄40一只，＄78两只，质地好好，个汁甜甜哋，最好用来捞面，那个虾子粗走油系冇味的，啱哂。 车品品话自己只系兼卖车仔面，实在好谦厚，因为水准都认真不错，猪大肠入味又够腍，猪红可以，红肠厚切，最好系个汤底，更值得一提系＄17两粒标榜冇防腐剂冇味精的粗黄牛丸，老实讲，系几好食，好鬼有牛味，不过17蚊两粒⋯⋯ 仲有个鲁肉饺，用鲁肉来包饺第一次食，个馅好juicy ，唔系好多肉，但我认为个味浓咗啲。 下次去大角咀如果两间都有开，我知点拣，月头去英记，月尾去车品品。