霸王川莊 (已結業)

 今晚系平安夜，冒住无book位既危险去左霸王川庄walk in，我地6点半到，好彩地唔使等都有位！餐厅既位置都几多，但座位唔算阔落，枱既面积比较细，叫多两碟𩠌都唔够位摆。佢地既茶好特别，有菊花／杞子，应该系可以帮大家食完辣野降火！水煮鱼 ＄198呢个水煮鱼可以自选4种配料，我地拣左猪红／薯粉x2／莴笋! 由于惊佢太辣，所以叫左BB 辣，结果系完全handle 到，但如果平时唔系食得辣，可以拣佢地既酸菜鱼！鱼好滑，但有骨，而猪红同莴笋亦都系极力推介既配料！＄178至于另一个主菜--烤鸭，等左一个钟先到，大家要预时间等！老实讲，烤鸭唔系特别出色，唯一可以称赞既地方系，佢地有炸馒头夹烤鸭，超级好味，但食多两件，会嫌佢腻，所以最好多几个朋友一齐 share！另外，叫左杯咸柠啤！我自己无饮，男朋友觉得麻麻地，但个味道叫做几特别！