峴港安南越南餐廳

营业中

休息中

朋友话睇 社交平台见到乐富公园侧边开咗间新嘅越南餐厅，钟意探索同支持香港新食店嘅我哋，当然二话不说即刻约时间去试下！放工夜晚七点几去到，佢哋餐厅而家试业紧，特别写住食材限量供应中；所以想去尝鲜嘅朋友记得唔好太晏去啦！佢哋装修同装饰都好花心思，好有东南亚 feel，可以尽情打卡！门口仲有一张枱畀人 喺室外 chill 住饮下嘢💁🏻‍♀️ 我哋拣咗坐佢既吧台，可以睇到店员调制饮品；另外吧台位好贴心有 USB 头，可以帮电话叉叉电⚡我哋主食叫咗佢主打嘅 #岘港招牌骟牯生牛肉手工河 (牛颈脊) & #岘港骟牯牛三宝手工河 (牛颈脊、牛坑腩、鲜牛丸)，另外再叫咗 #越式蒜香新鲜猪杂 & 店员推荐嘅 #香茅单骨鸡翼 😋佢哋嘅越南河粉会喺你面前将热汤倒入去河粉度，坚有满满嘅仪式感！首先讲下佢个汤，系十分浓郁、新鲜熬制既牛骨汤，绝无味精！！河粉方面佢真系 #手工河粉 ，而唔系一般幼身汤河粉，食落特别滑👍🏻最后梗系要讲返佢嘅牛肉 啦！牛颈脊好嫩、牛坑腩好松软，浓浓既牛味，牛丸亦好弹牙，一咬落去仲会有汁咇出嚟！佢嘅出品系完完全全对得住佢个价钱有突！十分有heart🫶🏻另外佢嘅新鲜猪杂亦处理得好好，唔会有腥臭