Amber’s Table

营业中

休息中

通咗红磡地铁站后， 去黄埔方便咗好多， 所以不时去揾吓有咩食， 见到Amber's Table 格调雅致， 仲有想食嘅烟肉眼扒， 所以立即入去食个晚餐。🍭焗牛骨髓一向以为牛⻣髓好浓味， 原来错哂，呢个系用咗和牛肉碎同牛骨髓混合一齐焗， 可以保持牛嘅鲜味，口感就更丰富，再配烤面包，咁嘅食法原来好搭， 香口之余仲脆卜卜， 一啲都唔油腻。🍭烟肉眼扒一向钟意食比较生嘅牛扒， 所以今次叫咗四成熟，个皮少许脆脆金黄，切开依然见到粉嫩柔软，无破坏肉原有嘅质感，件肉眼扒本身脂肪少牛味浓，用微火响枱上保持温度，肉眼扒上面嘅香草牛油慢慢溶化， 润泽咗牛扒外，仲加添香草味，好惹味。🍭烧德国咸猪手好细心咁巳切好细细嚿易入口， 外皮爆脆得嚟又烟韧， 啲肉唔会烧到干哂， 仲好滑嘟嘟, 夹住啲酸菜食， 酸酸地咸咸地， 好醒胃。🍭梳乎厘蛋白梳乎厘好澎湃， 2人份好足， 口感软绵绵， 好有蛋香味， 唔过份甜， 不知不觉就食哂， 好味。再配特饮椰子波萝沙冰同玫瑰椰子沙冰， 冻凉嘅特饮配咸猪手同肉眼扒， 暑汽全消。