榮哥廚房私房菜

营业中

休息中

观塘嘅工厦真系有好多隐世美食，今晚朋友请食饭，佢话带我嚟到观塘工业中心食私房菜。呢度每一道菜都精工细作，既保留左传统中菜嘅特色，但又加入左一啲创新嘅元素，为味觉带来新冲击。「原盅炖姬松茸淮山甘笋炖黑毛豚肉汤」，真材实料，火候十足，原汁原味，味道一流。「虾球水芙蓉」嘅大虾爽口弹牙，芙蓉蛋嫩滑无比，汤汁都好好味。仲有一道「酱烧爽厚豚颊肉伴柳丁汁青木瓜丝」味道清新，豚颊肉肉质爽口，配上青木瓜丝嘅酸酸甜甜，食多两旧都唔会觉得油腻。最后上枱嘅甜品系「姜汁芝麻汤圆」，姜汁够晒辣，而汤圆香糯软滑，芝麻馅又香又浓，美味满足，更为今晚丰富嘅晚餐划上完美嘅句号。