影片
更多
2019-08-21
56 浏览
呢排天气好热，经常都无咩胃口，朋友就提议食素，清新开胃得嚟又健康，今次就去到呢间悠蔬食，我哋分别选择咗两个套餐，有前菜、主菜同甜品，选择非常丰富。店员好快送上前菜，净系望到都够惊喜，最特别嘅系呢个凉拌黑豆亚塔子，甜甜哋嘅黑豆加上酸酸甜甜嘅亚塔子，食落好开胃，至于红菜头苹果合桃沙律都唔错，好清新好甜，旁边嘅山药丝捞咗麻酱，食落都几惹味。呢两个手卷都好特别，一个系芦笋素香松苜蓿芽，另一个就系香芒牛油果苜蓿芽，苜蓿芽好清爽脆身，加埋芒果同牛油果，味道好清爽，而贴心嘅店员仲提醒我地要尽快食，如果唔系啲紫菜会淋，真系非常细心。而汤方面就中西汤各叫咗一个，我就饮黑松露淮山忌廉汤，朋友就饮羊肚菌冬瓜竹笙黄耳百合雪莲子汤，净系听个名都知道个炖汤够足料，饮落就几清甜滋润，而忌廉汤就好香松露味好浓郁。台式杏鲍菇猴菇煲够晒热辣辣又有镬气，菇味香浓，食落口感结实，就算食肉兽都会钟意。而呢个菠菜合桃野菌意大利饭配腐皮卷，卖相够晒吸睛，非常呃Like，意大利饭好creamy，菠菜味好浓厚，加上脆脆嘅腐皮卷，味道好夹。最后就有甜品，红茶cheese cake虽然细细粒，但好浓茶味，而鲜果脆脆芭菲就好啱女仔，表面摆上
店员好快送上前菜，净系望到都够惊喜，最特别嘅系呢个凉拌黑豆亚塔子，甜甜哋嘅黑豆加上酸酸甜甜嘅亚塔子，食落好开胃，至于红菜头苹果合桃沙律都唔错，好清新好甜，旁边嘅山药丝捞咗麻酱，食落都几惹味。
呢两个手卷都好特别，一个系芦笋素香松苜蓿芽，另一个就系香芒牛油果苜蓿芽，苜蓿芽好清爽脆身，加埋芒果同牛油果，味道好清爽，而贴心嘅店员仲提醒我地要尽快食，如果唔系啲紫菜会淋，真系非常细心。
而汤方面就中西汤各叫咗一个，我就饮黑松露淮山忌廉汤，朋友就饮羊肚菌冬瓜竹笙黄耳百合雪莲子汤，净系听个名都知道个炖汤够足料，饮落就几清甜滋润，而忌廉汤就好香松露味好浓郁。
台式杏鲍菇猴菇煲够晒热辣辣又有镬气，菇味香浓，食落口感结实，就算食肉兽都会钟意。
而呢个菠菜合桃野菌意大利饭配腐皮卷，卖相够晒吸睛，非常呃Like，意大利饭好creamy，菠菜味好浓厚，加上脆脆嘅腐皮卷，味道好夹。
最后就有甜品，红茶cheese cake虽然细细粒，但好浓茶味，而鲜果脆脆芭菲就好啱女仔，表面摆上忌廉做嘅玫瑰花做装饰，真系好靓呀，而下面就好多生果同雪糕，为今餐划上完美嘅句号。
张贴
