十和田總本店

营业中

休息中

位于尖沙咀嘅十和田，店舖由日本师傅主理，店内地方宽敞，简洁舒适，尖沙咀地区嚟讲呢度价钱亦都好合理。赤贝刺身，色泽亮丽，肉质爽脆，鲜甜无比。活鲍鱼刺身好新鲜，湿润程度真系好似直接由海水里取出似的，切成幼条状口感更佳，一口咬落清甜鲜嫩，爽脆细致。海鳗卷，海鳗经过微微炙烧，味道更觉香浓，再加点鳗鱼汁甜甜的，香浓可口。卷里包著夹著青瓜和蛋，令呢个卷物味道丰富。平成卷有金黄嘅海胆、吞拿鱼蓉、三文鱼子，食落先有海胆嘅鲜味、咬落有三文鱼子嘅油份甘香，再有吞拿鱼蓉嘅鱼鲜味，味道有层次兼鲜甜甘香。蟹膏细卷除有蟹膏外亦都夹点蟹肉丝，蟹膏味道鲜甜浓郁。三色丼，有蟹膏、海胆、吞拿鱼蓉嘅丼，各具特色，唔好睇佢好似细细杯，里面份量十足，就好似呢杯蟹膏丼，面头嘅蟹膏已经多到满泻咁济，里面仲有好多蟹肉丝，甘香满溢兼啖啖肉，好好食呀。海胆丼亦都满满的金黄丰腴，润泽又幼滑嘅口感，甘香鲜甜。推得高高的吞拿鱼蓉加了点芝麻、香葱香味更丰富，味道亦都好鲜味，鱼蓉多过饭，好满足。盐烧油甘鱼头烧得香脆，鱼头有鱼油嘅甘香加了点盐烧，少少咸多多脆，鱼鳃位亦烧得香脆可口，面珠位肉嫩兼油份充足，识食嘅梗系要食鱼头啦。明太子鸡翼系一个好好嘅美