仨

营业中

休息中

今朝行过呢间coffee shop竟然有开，仲有早餐食，印象中佢以前只系做午市同晚市，于是二话不说就冲咗入去碳返杯咖啡食返个早餐。佢个早餐摆盘非常之精美，非常吸睛，格仔盘六小碟入面分别有芝士火腿三文治、Caesar Salad、南瓜薯饼、台湾香肠、慢煮三文鱼同埋蛋沙律Tart，六样嘢之中当然系个慢煮三文鱼最好食，因为以前试过佢嘅晚餐，知道大厨对于鱼类嘅西式烹调造诣都几高，所以个慢煮三文鱼好食系expected。Caesar Salad固然好食，所以佢好味道亦都系理所当然。反而有惊喜嘅系个南瓜薯饼，本身谂住早餐呢样嘢都系有一两样精美跟住就配搭啲求求其其嘅拉杂成军，谁不知佢个南瓜蓉垫底，个南瓜蓉同个薯饼嘅味道好夹，有时睇个厨师靓唔靓除咗佢煮嘢好唔好食之外，食物同埋酱汁嘅味道配搭都非常重要。叹埋杯cappuccino，咁就真系有个perfect嘅good morning喇。