影片
更多
2023-03-05
2128 浏览
卒之口罩令松挷，不过，今晚同两位老死出嚟食饭，就唔喺为此庆祝，都喺一早约好聚一聚嘅老友小饭局。佢哋话未食过西班牙菜，所以，就拣咗嚟「ROJO」，佢喺其中一间西班牙餐厅我觉得喺一直保持到水准嘅，啲Tapas仲不时推陈出新，有信心带朋友嚟试。数数手指，原来对上一次嚟都已经喺5年前嘅事，时间真喺眨吓眼就过。睇番个环境，好似无乜大变，仍然保持到新簇。踏入餐厅，一边喺吧位，俾客人小酌吓，中间就喺用餐区，再入啲仲有一排位，所以，地方都几大。餐牌以小型报告板形式夹住啲菜单，白色喺食物，黄色喺饮品。不过，未讲主餐牌嘅食品、饮品，先点题讲吓啲推广。第一个推广喺Tapas Combo，一枝西班牙柠檬啤配一客是日小食，只卖$68；而第二个推广喺每日优惠，到访当日喺星期四，所以，一份48个月嘅黑毛猪风干火腿配一杯红酒，只卖$98。再讲到食物选择，有超多款西班牙小食，数一数接近30款，然后，仲有沙律、多款主菜及甜品。整体嚟讲，都不愁无选择。饮品方面，由红白餐酒、啤酒、烈酒、果汁、汽水、啡茶，都一应俱全，当然，更加唔少得西班牙果酒啦。而7:30pm前喺欢乐时光，酒类饮品都有优惠，适合早收工嘅朋友过嚟小酌几杯。Es
数数手指，原来对上一次嚟都已经喺5年前嘅事，时间真喺眨吓眼就过。睇番个环境，好似无乜大变，仍然保持到新簇。踏入餐厅，一边喺吧位，俾客人小酌吓，中间就喺用餐区，再入啲仲有一排位，所以，地方都几大。
餐牌以小型报告板形式夹住啲菜单，白色喺食物，黄色喺饮品。不过，未讲主餐牌嘅食品、饮品，先点题讲吓啲推广。第一个推广喺Tapas Combo，一枝西班牙柠檬啤配一客是日小食，只卖$68；而第二个推广喺每日优惠，到访当日喺星期四，所以，一份48个月嘅黑毛猪风干火腿配一杯红酒，只卖$98。
再讲到食物选择，有超多款西班牙小食，数一数接近30款，然后，仲有沙律、多款主菜及甜品。整体嚟讲，都不愁无选择。
饮品方面，由红白餐酒、啤酒、烈酒、果汁、汽水、啡茶，都一应俱全，当然，更加唔少得西班牙果酒啦。而7:30pm前喺欢乐时光，酒类饮品都有优惠，适合早收工嘅朋友过嚟小酌几杯。
Estrella Damm Lemon、Red Wine、Sangria $70酒逢自己千杯少，虽然我哋唔喺酒友，但小酌一杯无问题嘅柠。前两者喺优惠嘅配搭嚟，小弟就拣咗饮枝柠檬啤，早前就试咗啲本土手工啤，甚有惊喜，而呢枝嚟自巴塞隆纳，酒精度得3.2%嘅啤酒，既易入口，又有阵阵柠檬清香，真喺几好饮。呢度所拣嘅红白餐酒喺唔错架，老友就试咗红酒，都大赞非常之好，酒身好挂杯，入口好醇和。另一位朋友就话嚟到食西班牙菜，点都要试试加入多种水果、玉桂嘅西班牙果酒，虽然喺红酒底，但感觉变得好清爽，红酒跟果香好平衡，佢大赞有特色。
爆谷鸡粒、洋葱圈配七味沙律酱呢一个就喺是日小食，虽然只喺啲炸鸡软骨同洋葱圈，但外观做得唔失礼，而且呢类炸嘢配啤酒就真喺绝配，啲鸡软骨咬落咯咯声，几爽口，洋葱圈好清甜，沾上只七味沙律酱，食味大提升，又去咁啲油意感。
西班牙橡果饲黑毛猪风干火腿（48个月）一来风干火腿喺嚟自西班牙嘅黑毛猪，自然质素有一定嘅保证，其次就喺风干咗48个月嘅货色，𠮶份肉香更加浓缩，外观色泽深而有光泽，将火腿放入口，先喺有一阵阵嘅咸香，再有啲油润嘅感觉，而且，咬落嘅质感，柔韧却喺肉质细腻。
西班牙橡果饲黑毛猪风干火腿（48个月）
19 浏览
0 赞好
0 留言
西班牙薯仔软腊肠蛋饼 $88 讲到西班牙小食嘅经典，相信西班牙蛋饼都当之无愧，近乎家家西班牙菜馆都有呢一道菜式。厚厚嘅蛋饼煎得金黄，份外吸引，侍应帮我哋切开，不得不赞佢细心，因为我哋三个人，佢就将个蛋饼一开六，每人食到两件。蛋饼切开，仲有少少流浆嘅情况，所以，啲蛋入口好软熟嫩滑；内里填满好多薯仔粒，仲加有西班牙嘅腊肠，味道更丰富，令口感、食味都唔单一，赞呀！
西班牙薯仔软腊肠蛋饼
$88
35 浏览
0 赞好
0 留言
蕃茄银鱼柳多士 $88呢道多士做得小巧别致，色彩配衬好好，唔好以为喺普通多士一件，垫底嘅脆包喺由西班牙空运过嚟再烘焗，小弟都曾经晌另一间西班牙餐厅食过，所以，翻兜推荐俾佢哋试吓。块面包果然好香脆，涂上大量鲜蕃茄蓉，茄味鲜活，银鱼柳同样嚟自西班牙，并以醋腌，非意大利嘅油浸，肉质紧致，带点酸醋香，令人好醒胃。
蕃茄银鱼柳多士
$88
43 浏览
0 赞好
0 留言
西班牙出产嘅甜朝都颇有名气，之前喺其他西班牙餐厅都试过，真喺几特别，见到小食当中又出现呢款西班牙炸青椒，故此，再次点嚟俾老友一试。以前食嘅系烤焗，呢次喺炸嘅，但感觉一样好，炸透嘅青椒软化晒，入口阵阵清甜味，再晌上面洒上大量炸蒜粒，作为下酒菜，效果真唔错。
西班牙烧乳猪配青苹果蓉、烤新薯 $298作为香港人烧乳猪仔梗喺食得多啦，不过，西班牙嘅烧乳猪就未必成日食喇，见呢款菜式喺推介之一，当然，心痒痒亦好想试。一客烧乳猪仔都几大份，乳猪件亦香脆可口，肉质软熟，带点油香，最有心思喺配上青苹果蓉，酸香醒神，口感绵滑，正好中和乳猪嘅油脂，此外，烤新薯亦好有薯香，非常好味，真不愧为招牌菜式。
西班牙烧乳猪配青苹果蓉、烤新薯
$298
22 浏览
0 赞好
0 留言
西班牙海鲜炒饭 $268作为西班牙菜嘅代表，非经典嘅西班牙海鲜饭莫属，餐厅有西班牙墨鱼汁饭、西班牙龙虾海鲜饭，但我哋就拣番最基本嘅西班牙海鲜饭，以正宗嘅「大镬饭」奉客，面头放有唔少海鲜食材，包括大虾、大蚬、青口、鱿鱼，一睇就知啲海鲜喺靓料，可谓甚有睇头，而呢个份量，大概可以预2-3人享用。 不单只啲海鲜好有鲜味，饭底加入蕃红花、海鲜汤去煮，并混入少少猪腩肉，除鲜香之外，更有份咸香嘅惹味，且入口微微湿润，饭粒却好分明，的确好好食。
西班牙海鲜炒饭
$268
19 浏览
0 赞好
0 留言
去到甜品时段，老套啲都要再试佢哋嘅「西班牙油炸鬼」依款西班牙经典甜点。油条炸得金黄，洒咗唔少玉桂粉，沾上朱古力浆，油条脆而不腻，里面好软绵，带有独特嘅玉桂香，沾上朱古力浆份外美味。
西班牙玉桂油条
$68
19 浏览
0 赞好
0 留言
厨师精选甜品 $88本来一份「油条」过过口瘾，但大家都觉得未够喉，追加多一份是日甜品：士多啤梨拿破仑，虽然卖相就做得唔喺好细致，但用料十足。首先，啲酥皮烘得好酥脆，又富牛油香，中间嘅吉士，绵滑且甚具蛋香，加上放有清甜嘅士多啤梨同蓝莓，真喺一啲都唔失礼。
士多啤梨拿破仑（厨师精选甜品）
$88
14 浏览
0 赞好
0 留言
今晚，老友都好满意餐，亦对西班牙菜有咗好多认识，更好欣赏啲西班牙小食。此外，服务值得一赞，主动换碟、添水，所以，整晚用餐都颇舒服写意。
张贴
