Mango Tree Café (已結業)

今日一行二人去yoho揾食，拣左呢间唔常见既mango tree。入面座位宽敞，柔和灯光，配埋墙上泰式风情既壁画，好舒服。因为坐位充裕，冇人系出面等位，可以慢慢叹首先黎左杯野饮先，有块oreo系到但就冇曲奇碎衬托，欠缺诚意，饮落都冇曲奇味。但成个杯底都有朱古力酱，非常浓郁。稍微遮盖奶茶味，少朱古力就做到平衡！但个名改做朱古力奶茶比较适合鸡翼黎啦！好香冬阴公味，唔会炸得太干身，腌味充足，正！如果想酸少少，可以加埋佢个酱。虾膏炒饭份量不少，摆碟非常认真精美，仲有两块虾片同肥而不腻既猪肉添！将所有配料拌匀就可以食！咸香既虾膏加埋微酸芒果肉（淡黄色一丝丝既），食落更醒胃！ 个烧鱼比想像中细但更惹味！肉质嫩滑juicy仲好有冬阴公味！美中不足既系糯米饭偏硬，中意有口感既我都觉得太硬太干身。