鳴虎 (北帝街) (已結業)

朋友带我嚟土瓜湾呢一间鸣虎，作为一间小店，我觉得呢度嘅质素超有惊喜🇯🇵听朋友讲呢度虽然铺仔细细，但系老板之前系喺日本做过拉面，所以都将日本嘅味道带过嚟香港，而且价钱亦都唔贵👍🏻我哋叫咗两款拉面，分别系黑鸣虎(博多黑蒜油)同埋鸣虎(日本鱼干&猪骨汤)，黑蒜油嘅味道好浓郁好香，而鸣虎嘅汤底采用鲜鱼同猪骨熬好多个钟，浓而不腻🍜拉面嘅质地亦算弹牙，叉烧因为炙烧过，渗出油脂，入口有溶化嘅感觉。另外仲有叫咗两款小食，就系揸到脆卜卜嘅芝麻鸡翼，十分香口，同埋芝士鱼饼拼鱼条，芝士做到流心效果❤️估唔到系一间小店食到呢个质素，而且价钱一啲都唔贵，值得大家嚟试吓。