影片
更多
2017-04-30
66 浏览
今日老板请食饭庆祝我哋嘅业绩，佢话原来我哋公司附近有一间好正宗嘅日本菜， 要带我地去见识下！我哋一班人都满心期待！餐厅响商业大厦嘅楼上，平时完全唔觉眼，原来揾好嘢食真系要细心先有得食！店入边座位唔多，仲有私家房可以预早book。餐厅入边可以散叫亦都有套餐，豪食或者浅尝任君选择！首先上场机系北海道薯仔沙律！听闻北海道嘅薯仔近来收获好少， 连薯片都就嚟供应唔到！呢间餐厅竟然仲入到货！食落去质地比美国薯爽冇咁甜，但薯仔嘅鲜味超突出！好好食！第一道菜已经好惊喜！前菜每两个人就有一碟，分别系渍物淮山，鱿鱼同埋明太子。个人应为鱿鱼十分之突出，鲜味好重而且食落少少脆口。明太子夹著青瓜来食好鲜味。再来的系椒盐川虾，职员有解释过川虾系比较肉厚，口感较樱花虾好！我个人系第一次认识川虾，虾味好浓郁，椒盐令到整体变得好香口！不油腻。我最期待嘅刺身五点，分别有带子，深海池鱼，三文鱼，䲞鱼和春鱼。春鱼肉质好嫩，入口软绵绵，味道不重慢慢渗出。带子亦都好出色，肉好口好甜！三文鱼亦都好出色，同平时食嘅挪威或加拿大嘅三文鱼好唔同，味道比较鲜甜，肉质好嫩！职员话原来刺身旁边嘅海藻都可以食！我真系第一次见识！我每样都有试一口
餐厅响商业大厦嘅楼上，平时完全唔觉眼，原来揾好嘢食真系要细心先有得食！
店入边座位唔多，仲有私家房可以预早book。
餐厅入边可以散叫亦都有套餐，豪食或者浅尝任君选择！
首先上场机系北海道薯仔沙律！听闻北海道嘅薯仔近来收获好少， 连薯片都就嚟供应唔到！呢间餐厅竟然仲入到货！食落去质地比美国薯爽冇咁甜，但薯仔嘅鲜味超突出！好好食！第一道菜已经好惊喜！
前菜每两个人就有一碟，分别系渍物淮山，鱿鱼同埋明太子。个人应为鱿鱼十分之突出，鲜味好重而且食落少少脆口。明太子夹著青瓜来食好鲜味。
再来的系椒盐川虾，职员有解释过川虾系比较肉厚，口感较樱花虾好！我个人系第一次认识川虾，虾味好浓郁，椒盐令到整体变得好香口！不油腻。
我最期待嘅刺身五点，分别有带子，深海池鱼，三文鱼，䲞鱼和春鱼。春鱼肉质好嫩，入口软绵绵，味道不重慢慢渗出。带子亦都好出色，肉好口好甜！
三文鱼亦都好出色，同平时食嘅挪威或加拿大嘅三文鱼好唔同，味道比较鲜甜，肉质好嫩！
职员话原来刺身旁边嘅海藻都可以食！我真系第一次见识！我每样都有试一口，冇咩味道，但呢个白身日本海藻就好特别，质地好脆！
𫚕鱼鱼鲛，职员话𫚕鱼系好季节性嘅，大概每年12月至到4月先至会有。佢脂肪比例比较高，所以鱼鲛位超级滑！油脂好丰富！而鱼皮烧得好脆好惹味！ 鲜鱼味好甜好浓郁！肉又多又厚！
呢一味系酱汁豚角煮，豚肉劲滑， 油脂比例刚好，不会太肥，但入口有溶嘅感觉！而且酱汁甜甜咸咸刚好入味！如果用来伴白饭一流！
正当大家都已经好饱好满足之际，原来仲有甜品！系日本番薯雪糕！番薯味劲重，食落入边仲有少少番薯粒！雪糕好滑奶味重，对我来讲系一个重口味甜品，味蕾感觉好丰富。
呢度食物质素好好，而且感觉制作好认真！店员上每一道菜时都细解释食物嘅来源同埋制作。食得安心又放心。不过呢度座位唔多，建议要来食的话预早预订位置。眼见当晚有一两台客嚟到都因为冇位而要撤退。
张贴
