花貝日本料理 (已結業)

食omakase最享受嘅就系欣赏师傅点样用食材同处理方法升华鱼生嘅鲜味，今晚喺花贝嘅体验系满分嘅👍🏻👍🏻前菜罕见以熟虾做主角，配上青柠啫喱同莼菜，卖相似个池塘仔，赏心悦目之余食落都好开胃。刺身3款：薄切真鲷、帆立贝、赤身2食真鲷包住玫瑰花瓣一齐食有淡淡花香、帆立贝用岩盐吊味、赤身有原味同酱油渍两款，酱油渍味更浓又唔会过咸之后系烟熏鲣鱼，连伴碟嘅脆紫菜都一齐用禾秆草烟熏过，味道好香～四件天妇罗入面最有惊喜系粟米仔，感觉系烧香咗再炸，好好食～厚岸生蚝好大只，配上海葡萄同蕨类啫喱唔会抢咗蚝嘅鲜味～之后嚟到重头戏手握寿司8贯：生八爪鱼、羽太（斑）、金目鲷、池鱼、黑鯥、牡丹虾、海胆同大拖罗8款寿司师傅都会因应鱼肉本身嘅味道去选择配料，每一次配搭转换都反映到师傅嘅坚持：以配料升华鱼嘅味道，但绝对唔会盖过当中最深刻嘅系火炙黑鯥，以自家制嘅甜酒煮紫菜作调味，以甜味平衡黑鯥嘅油脂；网炙酱油渍大拖罗更加震撼，第一次见师傅以网炙手法处理，焦香感平均分布喺成块鱼肉，再加紫苏叶碎同芝麻调味，味道层次非常细致。热辣辣嘅玉子烧亦都好有惊喜，中间带小小流心效果～蜜糖淋酱亦唔会过甜最后嘅汤品同甜品3食都系水准以上，自家