影片
更多
2021-09-11
871 浏览
呢间主打法日fusion菜既餐厅位于铜锣湾既上楼大厦，运用法日唔同既食材，造出一道道精缴既菜式Beef Tartare食到有生洋葱，酸酸辣辣，成个他他个味调得好好食，用炸春卷皮，炸紫苏叶去配他他，一齐食真系几特别，出面好少会系咁既配搭Sapporo Draft BeerHappy hour买一送一，好够冻，爽呀我地分别叫左Dinner menu & Five course menu两个set都会有既餐包，圆形既系芝士卷，另一个系牛角包，两个都非常酥脆5 Course Menu：令和怪物Omakasa常见既令和生蚝，手掌咁大只既生蚝爽甜美味，运用了化子料理既造法，加了青柠雪葩、柠檬爆珠、澳洲青苹果作配搭，令到只蚝更加清新北寄贝刺身北寄贝切成条状，混入沙葛，蟹黄柚子汁、甜椒辣酱，味道既层次好丰富，爽甜酸辣一次过系个口入面爆发香煎法国鹅肝鹅肝外层煎得香脆，内里仲系微微呈粉红色，甘香无比，红酒车厘子、陈醋、热情果酱正好中和返鹅肝既油腻感，好出色脆鳞甘鲷之前系一间好出名既铁板烧店食过呢款菜式，呢度既脆鳞甘鲷都绝对唔失色，鱼鳞香脆，鱼肉仍保持嫩滑，略嫌味道淡左少少，不过成道菜最出色系垫底个大根，清
Beef Tartare
食到有生洋葱，酸酸辣辣，成个他他个味调得好好食，用炸春卷皮，炸紫苏叶去配他他，一齐食真系几特别，出面好少会系咁既配搭
Sapporo Draft Beer
Happy hour买一送一，好够冻，爽呀
我地分别叫左Dinner menu & Five course menu
两个set都会有既餐包，圆形既系芝士卷，另一个系牛角包，两个都非常酥脆
5 Course Menu：
令和怪物
Omakasa常见既令和生蚝，手掌咁大只既生蚝爽甜美味，运用了化子料理既造法，加了青柠雪葩、柠檬爆珠、澳洲青苹果作配搭，令到只蚝更加清新
令和怪物
10 浏览
0 赞好
0 留言
北寄贝刺身
北寄贝切成条状，混入沙葛，蟹黄柚子汁、甜椒辣酱，味道既层次好丰富，爽甜酸辣一次过系个口入面爆发
北寄贝刺身
10 浏览
0 赞好
0 留言
香煎法国鹅肝
鹅肝外层煎得香脆，内里仲系微微呈粉红色，甘香无比，红酒车厘子、陈醋、热情果酱正好中和返鹅肝既油腻感，好出色
香煎法国鹅肝
6 浏览
0 赞好
0 留言
脆鳞甘鲷
之前系一间好出名既铁板烧店食过呢款菜式，呢度既脆鳞甘鲷都绝对唔失色，鱼鳞香脆，鱼肉仍保持嫩滑，略嫌味道淡左少少，不过成道菜最出色系垫底个大根，清甜又入味，一d渣都无，个鲣鱼高汤清到一滴油都无，真系连汤都饮埋，非常高水准
脆鳞甘鲷
3 浏览
0 赞好
0 留言
香煎慢煮白豚猪腩
呢个猪腩肉就好似港式烧味既烧肉咁，用左慢煮方式煮制，但食落唔觉得特别嫩滑，个皮仲系唔脆带韧，有d失望，反而个烧菠萝做得更出色
香煎法国牛仔柳
牛仔柳5成熟，肉质软腍食落仲好juicy
烧龙虾配龙虾意大利饭
每一啖都食到浓郁既龙虾味，意大利饭软硬适中，仲有啖啖既龙虾肉，好香好好食
烧龙虾配龙虾意大利饭
2 浏览
1 赞好
0 留言
抹茶红豆慕丝
抹茶味非常香浓，仲有绝配既红豆，再加球芝麻雪糕，唔甜之余仲唔觉得腻
香橙朱古力慕丝
朱古力慕丝都几幼滑，入面有香橙酱，炸弹既造型好得意，仲有爆炸糖伴碟
抹茶红豆慕丝
4 浏览
0 赞好
0 留言
Dinner menu：
油甘鱼刺身
油甘鱼刺身配上酱汁味道都好夹，唔洗蘸豉油Wasabi都好够味，新鲜好食，酸萝卜更有清清味蕾既作用
香烧八爪鱼配甜粟米
整碟好有法国菜既感觉，八爪鱼微微炙烧后，配上甜粟米酱，车厘茄，再加上鱼子酱，色彩同味道配搭都一流
法式龙虾汤
龙虾味无想像中咁浓，加上面既忌廉疑似有少少失手，有点失望
北海道海胆意大利饭
整个饭都食到香浓既海胆鲜味，北海道海胆食落更creamy，真系要新鲜先有既味道
澳洲M5和牛肉眼
呢个澳洲M5和牛都真系拍得住日本和牛，虽然脂肪比例唔算最多，但肉质好嫩滑，肉味香浓
澳洲M5和牛肉眼
12 浏览
1 赞好
0 留言
柠檬慕丝
以柠檬造形亮相，真系好似原只柠檬咁，其实系柠檬慕丝，食落都几酸下，未必人人接受到
没有华丽既装修，但有精湛既厨艺，每道菜都食得出厨师既用心同功架，摆碟精致，味道出众，无谂过上楼餐厅会有咁高既水准，好有惊喜
张贴
