勵揚冰室 (已結業)

天水围啲茶记嚟讲，呢间算出名，不过佢搬咗嚟天一之后就冇再食过。今日见早咗起身，决定返工之前嚟食个早餐。叫咗个沙嗲牛肉面配煎蛋火腿厚多士，再叫咗份猪扒包，加杯冻咖啡，精神！沙嗲牛肉面真系算几有质素，俾好多牛肉好多沙嗲汁，一啲都唔孤寒。加少少辣椒油，成碗面又升华左，浓厚得来又唔会食到好漏。煎蛋火腿配多士就唔使讲，不嬲都系最佳配搭。重点系个煎蛋系流心，非常juicy。最后就食埋猪扒包，$28一份，夹住新鲜嘅蕃茄青瓜，讲真澳门啲猪扒包我就唔识欣赏，干争争得块猪扒菜都无条…反而香港茶餐厅啲猪扒包真系冇得输。今日食完呢个早餐，简直叉足电，做嘢都落力啲。