影片
更多
2021-06-06
213 浏览
有冇谂过饮中茶食点心都可以同英式三层架下午茶联想埋一齐？当知道点一龙有得食下午茶点心三层架，立即就约好姐妹黎high tea☕除左点心三层架上点心，每人仲有得拣一客原只鲍鱼鸡粥或者鲜虾云吞面，我地两个都拣鲍鱼鸡粥，鲍鱼唔算大只不过煮得够软，但估唔到佢个鸡粥味道好鲜味，仲食到有好多粒香滑鸡肉，粥身都煮得好绵，食到底都唔会变得水稀稀，真系好少遇到咁高水准嘅粥。食完粥就开始逐层进攻点心！最底层系蒸点心，有晶莹海虾饺、杞子鲜虾烧卖、幸运小水母、蟹子小笼包。虾饺烧卖味道唔错，虾肉够爽口弹牙，蟹子小笼包超多汤汁好好食。最可爱嘅幸运小水母系南瓜味，外皮入面系蒸鱿鱼同虾，钟意食虾嘅一定好满足，四笼点心有三款都虾🦐🦐🦐中层系香脆点心，有海虾长春卷、苦尽甘来(凉瓜牛肉酥)、金黄素锅贴、莲香惜玉煎包子。春卷外皮够脆，锅贴同煎包子煎得唔算好㶶，比较健康。凉瓜牛肉酥虽然外型无苦瓜，但其实系好香嘅绿茶外层，中间系夹住香酥嘅牛肉同唔太苦嘅凉瓜，系一道造型精致又味道层次丰富嘅中式点心。上层系甜点心，有斑兰马拉糕、果仁腰果酥、红枣小鱼子、芝麻小卷。食到最顶层，到我最钟意嘅甜点，果仁腰果酥好适合一边饮茶一边倾计慢慢食，芝
除左点心三层架上点心，每人仲有得拣一客原只鲍鱼鸡粥或者鲜虾云吞面，我地两个都拣鲍鱼鸡粥，鲍鱼唔算大只不过煮得够软，但估唔到佢个鸡粥味道好鲜味，仲食到有好多粒香滑鸡肉，粥身都煮得好绵，食到底都唔会变得水稀稀，真系好少遇到咁高水准嘅粥。
食完粥就开始逐层进攻点心！
最底层系蒸点心，有晶莹海虾饺、杞子鲜虾烧卖、幸运小水母、蟹子小笼包。虾饺烧卖味道唔错，虾肉够爽口弹牙，蟹子小笼包超多汤汁好好食。
最可爱嘅幸运小水母系南瓜味，外皮入面系蒸鱿鱼同虾，钟意食虾嘅一定好满足，四笼点心有三款都虾🦐🦐🦐
中层系香脆点心，有海虾长春卷、苦尽甘来(凉瓜牛肉酥)、金黄素锅贴、莲香惜玉煎包子。春卷外皮够脆，锅贴同煎包子煎得唔算好㶶，比较健康。
凉瓜牛肉酥虽然外型无苦瓜，但其实系好香嘅绿茶外层，中间系夹住香酥嘅牛肉同唔太苦嘅凉瓜，系一道造型精致又味道层次丰富嘅中式点心。
上层系甜点心，有斑兰马拉糕、果仁腰果酥、红枣小鱼子、芝麻小卷。食到最顶层，到我最钟意嘅甜点，果仁腰果酥好适合一边饮茶一边倾计慢慢食，芝麻卷够软身，斑兰马拉糕有好香斑兰味，马拉糕质感够松软。
最高评价系红枣小鱼子，精缴小巧嘅造型已经满分，入口系非常浓陏嘅红枣味，而且甜度控制得好好。
整个tea set每位只系$128就可以试到咁多款唔同造形又高水准嘅点心，绝对会再约朋友黎呀。
张贴
