影片
更多
2023-05-15
76 浏览
细妹喺百忙之中抽空同我食饭，佢话想食泰国菜🇹🇭家姐我梗系即刻揾个好地方啦🥰我见网上好多人介绍《青花》，位置又近细妹公司，于是就决定去试吓！🔸蓝蝶花蟹肉菠萝炒饭（$138）用蝶豆花整嘅甜品或者面包我就食得多，炒饭都系第一次试，卖相好特别💙鲜甜嘅蟹肉铺得满满，混合埋可口嘅肉松、酥脆嘅腰果同香甜嘅菠萝粒一齐食，好睇又美味。🔸泰式虎虾金边粉（$138）金边粉烟靭有镬气，唔会黐埋一嚿嚿，又唔油腻。两只虎虾好大只，鲜味肉厚。调味刚刚好，配上花生碎，口感倍添层次。🔸榴梿煎饼（$78）榴梿爱好者必点嘅甜品！外层酥皮脆卜卜，入面夹住犹如忌廉一样咁滑嘅榴梿，一啖咬落去，软糯滋味好幸福呀💕🔸龙须三色冰奶盖（$48）龙须糖而家都十分少见，放喺清凉嘅三色冰上面，可见厨师嘅心思同创意。🔸蝶豆花椰子奶盖 （$48）可爱嘅粉蓝色蝶豆花，加上浓郁嘅椰汁，轻轻混合一齐嘅时候，彷佛蓝天与白云☁️味道唔会太甜，一杯好梦幻嘅饮品。餐厅地点就脚，环境舒适，坐得舒服。每一款食物都适合打卡，而且味道仲非常有水准，我同细妹都觉得可以再encore 😋
我见网上好多人介绍《青花》，位置又近细妹公司，于是就决定去试吓！
🔸蓝蝶花蟹肉菠萝炒饭（$138）
用蝶豆花整嘅甜品或者面包我就食得多，炒饭都系第一次试，卖相好特别💙鲜甜嘅蟹肉铺得满满，混合埋可口嘅肉松、酥脆嘅腰果同香甜嘅菠萝粒一齐食，好睇又美味。
🔸泰式虎虾金边粉（$138）
金边粉烟靭有镬气，唔会黐埋一嚿嚿，又唔油腻。两只虎虾好大只，鲜味肉厚。调味刚刚好，配上花生碎，口感倍添层次。
🔸榴梿煎饼（$78）
榴梿爱好者必点嘅甜品！外层酥皮脆卜卜，入面夹住犹如忌廉一样咁滑嘅榴梿，一啖咬落去，软糯滋味好幸福呀💕
🔸龙须三色冰奶盖（$48）
龙须糖而家都十分少见，放喺清凉嘅三色冰上面，可见厨师嘅心思同创意。
🔸蝶豆花椰子奶盖 （$48）
可爱嘅粉蓝色蝶豆花，加上浓郁嘅椰汁，轻轻混合一齐嘅时候，彷佛蓝天与白云☁️味道唔会太甜，一杯好梦幻嘅饮品。
餐厅地点就脚，环境舒适，坐得舒服。每一款食物都适合打卡，而且味道仲非常有水准，我同细妹都觉得可以再encore 😋
左：龙须三色冰奶盖；右：蝶豆花椰子奶盖
7 浏览
0 赞好
0 留言
泰式虎虾金边粉
$138
4 浏览
0 赞好
0 留言
蓝蝶花蟹肉菠萝炒饭
$138
6 浏览
0 赞好
0 留言
榴梿煎饼
$78
7 浏览
0 赞好
0 留言
张贴
