Makuma (已結業)

今日一支公想食日式风味嘅晚饭，就去咗Makuma。点咗一客日式咖哩吉列鸡胸配珍珠米，平时绝大多数系吉列猪扒，呢度供应嘅系鸡胸，冇所谓啦！一样食到脆香嘅效果，肉质嫩滑，蘸上日式咖哩汁，风味一流，混和珍珠米一齐食，更加满足口胃。另外点了甜品，抹茶麻糬窝夫，卖相极之吸引，窝夫焗得脆脆，抹茶味浓，麻糬软糯，仲有红豆及黑糖酱，完美组合，一定要加配呀！叫咗一杯冻榛子鲜奶咖啡，少冰，一饮就即刻有榛子嘅香味冲入口腔内，配合醇厚咖啡及软滑鲜奶，整体变得浓郁又够rich，顺喉滑溜。呢度地方唔算大，但情调优雅，食材质素高，而最令我深刻印象嘅系餐厅所用嘅餐具非常讲究，十分精致，不但提升品味，更令客人增加食欲，实在值得欣赏。食物嘅选择都唔少，有咸有甜，好味程度值得支持