南越南咖啡廳

营业中

休息中

南越南系一间越南fusion菜，佢唔单止菜式特别，唔似一般传统越南菜，店内环境都比较relax似cafe咁，坐得几舒服。南越蟹肉酱配脆球饼($68) - 蟹肉酱味道浓郁，脆球饼又薄又脆唔会太硬，食时可以将蟹肉酱放入脆球饼入面，几得意。扎肉心内美米纸卷($58) - 米纸卷入面有扎肉同生菜，米纸口感带少少弹口，食时可以蓦埋佢地嘅特制酱汁，食落冇咁斋。招牌金边粉($88) - 哩碗招牌金边粉汤系跟南越做法，味道比较浓甜，金边粉几弹，上面有牛面珠、牛肉片、牛筋、牛尾、牛肉丸同油炸鬼，都几多料。牛肉片上枱时仲系半生熟，食落几滑，牛尾煮到好腍，牛筋就腍得黎带啲弹口，牛丸都好弹牙。高楼米塔($54) - 米塔其实系炸左嘅米粉，食落脆脆地，食之前可以淋少少特制酱汁喺上面，虽然米粉会因为酱汁腍左，但酱汁味道咸咸酸酸咁，都几惹味。荔枝云朵咖啡($32) - 好特别嘅咖啡，下层奶白色系荔枝糖浆，中间深啡色系咖啡，最顶系模仿云朵嘅泡泡。咖啡上枱时，侍应特别提醒饮咖啡时唔需要搅拌，我会将饮管插到杯中间位置，可以饮倒荔样甜味之余，同时亦饮倒咖啡。南越蛋咖啡($28) - 蛋咖啡喺越南好多时都会饮倒，但香港就唔算