家全七福 (H Zentre)

营业中

休息中

以精緻手工粵菜著名，由灣仔開到尖沙咀，九龍人有口福喇🙌🏻✨蜜汁叉燒叉燒真係燒得好靚，肥瘦均勻不膩口，略帶焦香，肉質軟腍，的確高質🙌🏻✨鍋貼明蝦用上大明蝦嘅脆炸蝦多士，下層多士非常酥脆，而大名蝦仍然保持彈牙口感。✨鴿蛋扒竹笙稀有鴿蛋口感細嫩爽滑，蛋白位置好似果凍一樣。配上營養豐富又健康嘅竹笙，美味。✨釀焗鮮蟹蓋將蟹蓋炸至金黃酥脆，內裏釀滿鮮甜蟹肉，再加以洋蔥，鮮味十足。加少許陳醋提味，整體更出色。✨蟹肉大良炒鮮奶奶味濃郁，口感香滑軟綿，火喉控制剛好。再配上鮮甜蟹肉，面頭加上炒乾嘅欖仁，口感豐富。甜品方面本身好想試芝麻卷，可惜已經售罄。不過香芒凍布甸一樣出色，芒果好香甜，而且份量多；而蛋白杏仁茶亦好香濃幼滑。