亞古鍋 (已結業)

今晚同友人們去亞古獸…唔係，係亞古鍋打邊爐。餐廳位於登龍街一座好多餐廳嘅大樓入面，上到去睇到個門面感覺好高級，餐廳以黑色雲石為主，望出窗外可以睇到大廈五光十色嘅燈光，而餐廳再入啲仲有個bar同設有室外座，可以俯瞰銅鑼灣形形色色嘅高樓大廈。侍應好helpful，見我地唔知食乜好都主動推介比我地。叫咗個招牌阿古鍋湯底，用花膠，螺頭，瑤柱等淆製。等水滾侍應先幫我地潷湯同花膠，好濃好鮮!淨係飲呢個湯都值回票價。黃金豆腐粒。由於餓餓地嘅關係先叫咗可以即食嘅，但比我預期嘅好食!廚師將表面炸至豆腐粒金黃色，令表面食落酥脆，冇油份，入口乾身，而入面豆腐就嫩滑可口。正! 牛三寶。擺碟好靚，中間一片牛仲整到一朵花咁。黑毛豬腩肉同濟州豬，唔知邊樣打邊樣，但兩種都好薄好嫩口。四合丸。將墨魚，蝦，豬肉同金腿茸混合嘅丸。可以一次食足4種口味，鮮甜又有咬口。碧綠豆腐。綠色嘅係海苔，仲以為放落湯會同豆腐分離，點知冇事，食落幾特別。蔬菜拼盤。擺到成棵花咁，令人賞心悅目。 整體嚟講餐廳環境舒適又有美景，食物高質又精美，服務態度良好，值得一試。