寬巷子 (已結業)

平时下午茶多数拣西式high tea 或者港式茶餐厅，估唔到打边炉都可以系tea time食到，仲要系high tea 三层架，咁吸引紧系要试下啦。汤底唔错，几够味。三层架嘅分工好清楚，上层系肉类盛合，中层系创意料理，底层系甜蜜花园，即系杂菜盘。上层有和牛牛舌，墨鱼片同猪颈肉。每样都摆成花嘅样，好靓，差啲唔想放散佢。墨鱼片比较淡，但爽口。牛舌系卖飞佛，薄薄的，比较快熟 ，有牛味，唔会太硬。猪颈肉虽然煮耐左，但都唔会嚡。中层嘅创意料理，真系呢度嘅特色，每款食物都系外表靓靓，仲要估佢唔到。比较钟意凤梨酥同糖葫芦。凤梨酥系豆腐皮包住虾肉，花枝，几爽口。糖葫芦外表QQ，味道唔错。仲有个甜品都好美味呢间过江龙，食物有创意，摆盘精致吸引，的确值得试一试。