日作食堂

营业中

休息中

成日经过观塘，行过都对呢间日式饭堂好有兴趣，但太匆忙又真系好难黎到座底享受，今晚约到朋友终于可以一尝芝味。一行到入黎真系冇令人失望，满满既复古风，好有旧时代感既摆设，又有啲学校枱凳装饰，真系好吸引。每张枱都有期待去坐下。佢地主打定食更系唔好错过，我地点左自家制和牛汉堡伴焦糖洋葱配月见烧肉汁定食。 黎到个饭冇谂过咁大份。 和牛汉堡好厚身，打烂上面既月见蛋黄一路切落去好精彩。 个饭食黎好焦香，和牛汉堡加埋蛋黄好滑嫩，劲好味。 配埋蜂蜜红枣茶好养生，满足既享受。另一个系五目海鲜香浓蕃茄豚肉汤赞岐乌冬定食。 好大只海虾，超爽甜。 蕃茄汤好好饮，唔系茄膏开既，好足味。 而且都好多蚬，最正系一粒沙都冇，配埋柚子桂花乌龙茶，好香桂花衬柚子一流。仲有焦糖明太子玉子烧都好有水准。 好厚既烧蛋，软绵香滑，面头既焦糖真系一绝。果然呢间日作饭堂真系好正，下次一定要再黎食。