幸圓 (已結業)

喺鰂魚涌搵咗間既舒服又有質素的中西fusion餐廳。Home-made Lemonade冰有香茅，青檸，檸檬、酸酸甜甜，感覺好清新，賣相好靚。牛油果蟹籽沙律不過不失，牛油果切碎放在旁邊，有蟹籽蟹柳同青瓜絲。清清地作開胃菜。幸圏七彩虹卷果然名副其實，有彩虹咁多隻色，色彩繽紛，賣相吸引，除咗有刺身三文魚吞拿魚等，仲有牛油果蟹籽作壽司餡料。珍寶帆立貝壽司2貫新鮮，凡立貝肉質鮮甜。黃金蟹肉蘆筍忌廉蟹籽意粉扁意粉用了鹹蛋黃和忌廉做醬汁，再配上滿滿的蟹肉，加咗蛋黃，多咗一份甘香，蟹肉蟹籽也很鮮味。朱古力芭菲朱古力在最上層，下面鋪咗一層又一層的cream同朱古力脆脆，層次豐富。肉桂蘋果牛角包窩夫肉桂加蘋果是絕配，配雲呢拿雪糕非常夾，唔會太甜，牛角包窩夫之前都食過，今次同樣好味。