L'AMOUR

近排喺社交媒体望到有明星介绍呢间餐厅，睇完介绍觉得好正，所以今日就同朋友一齐嚟试吓，餐厅喺大埔太和站附近，行过嚟都几方便，而且对出仲有一个公众停车场揸车亦非常方便。餐厅装修走高档路线，首先大门用咗落地液晶体大玻璃门，当大门关上后会有一个电子屏障，街外人睇唔到餐厅里面私隐度非常好，家俱选择亦非常唔错，而且仲有一个超大嘅玫瑰花摆设。餐牌提供小食、沙律、汤、薏米饭、意粉、主菜、前菜等等。时令生蚝 ($338 / 6 只) : 生蚝非常之高质，肥美又鲜甜 🤤 食完半打忍唔住再叫咗半打，食得生蚝当然要叫返两杯酒 Chill 下。海胆多士 ($358 / 6 件) : 每件多士上都有两件海胆，而且海胆上面更铺上金箔，海胆超甘甜，真系睇得又食得。焦糖法式炖鹅肝 ($208) : 最后食埋呢个非常有艺术感嘅小食，厨师将面包整成花瓣形状，食客将花瓣搣落嚟，再搽上焦糖鹅肝酱食，鹅肝味道超浓郁。