影片
更多
2023-08-14
23 浏览
趁住朋友产子之前相约嚟西九行下、影下相，行完就近揾咗间餐厅坐低食嘢，拣咗故宫入口处嘅下江南。餐厅设计有格调，现代得嚟又结咗中式传统建筑嘅元素，餐牌仲有干隆下江南嘅典故，同小朋友嚟食仲可以讲下故事添。餐厅楼底够高够阔落，落地大玻璃够开阳可以睇到对面海嘅景观，座位同餐枱亦都好阔落，怀胎八月嘅孕妇都话好舒适。餐牌设计精致清晰，图片与实物相符，有套餐与单点选择。酥油野鸡瓜饭+夫妻肺片+醉珍肝醉珍肝其实系鸡肾，本身以为系鸡肝所以点咗，结果都好食，肾片有酒香味而且好爽脆，孕妇唔食得有酒嘅嘢食，我好开心可以独占。夫妻肺片牛腱够软糯入味，虽配以辣油其实并唔辣，牛肚都好入味，而且够软稔。酥油野鸡瓜饭朋友本身想食酥油野鸡瓜面，我手误点错咗「饭」，结果好有惊喜，鸡汁嘅浓郁鸡味同香料味好送饭，松子同菜粒嘅配合相得益彰，每啖饭都食得好多层次，比上海菜饭更好食，但唔觉油腻，鸡件啖啖肉，好滑有鸡味。山西肉夹馍第一次食山西夹馍，唔知系未正宗味道，饼皮嘅口感同味道都好似手抓饼，口感十分酥脆，即叫即整，拎上手仲热辣辣，馅料有生菜同有孜然味嘅肉，馅料够juice十分有风味，整体喜出望外。四喜烤麸+拍青瓜四喜烤麸系上海菜名物
餐牌设计精致清晰，图片与实物相符，有套餐与单点选择。
酥油野鸡瓜饭+夫妻肺片+醉珍肝
醉珍肝其实系鸡肾，本身以为系鸡肝所以点咗，结果都好食，肾片有酒香味而且好爽脆，孕妇唔食得有酒嘅嘢食，我好开心可以独占。
夫妻肺片
牛腱够软糯入味，虽配以辣油其实并唔辣，牛肚都好入味，而且够软稔。
酥油野鸡瓜饭
朋友本身想食酥油野鸡瓜面，我手误点错咗「饭」，结果好有惊喜，鸡汁嘅浓郁鸡味同香料味好送饭，松子同菜粒嘅配合相得益彰，每啖饭都食得好多层次，比上海菜饭更好食，但唔觉油腻，鸡件啖啖肉，好滑有鸡味。
山西肉夹馍
第一次食山西夹馍，唔知系未正宗味道，饼皮嘅口感同味道都好似手抓饼，口感十分酥脆，即叫即整，拎上手仲热辣辣，馅料有生菜同有孜然味嘅肉，馅料够juice十分有风味，整体喜出望外。
四喜烤麸+拍青瓜
四喜烤麸系上海菜名物，下江南都做得好好，烤麸好多汁，咸甜适中，好体现到上海菜浓油赤酱嘅特色，辅以木耳荀丝带出唔同嘅食物口感。青瓜好爽脆，似系即叫即拍。
百香果茶青柠乌龙茶
酸甜嘅百香果同乌龙茶配合得好出色，清幽嘅茶香同果香好清香，好开胃，好适合夏天解暑，行户外西九行得热买杯茶外卖饮都好正。
杂果鸳鸯凉粉
大量新鲜水果铺面，色彩缤纷相当吸引，翻开水果底下有黑色凉粉同透明冰粉，黑色凉粉爽口啲，透明冰粉就烟韧啲，双色凉粉双重滋味，消暑之选。
张贴
