江蘇銘悅

营业中

休息中

国语人约我喺上环食饭，带我嚟呢间江苏铭悦，餐厅环境宽敞，而且仲设有VIP房。先嚟几款前菜，无锡双鱼儿系白饭鱼同鳝切成丝，条条甘香，而且再用糖醋兜过，食落条条甘香又脆卜卜。金盏牛柳粒锅巴卷将锅巴卷成好似甜筒咁，再酿入牛柳粒，牛柳粒每粒好似黄豆咁大，每粒都好滑又有肉味。江南麻辣口水鸡味道相对偏辣，鸡件嘅份量都唔少，而且仍能保持嫩滑。孜然香辣花菜就只系微辣，炒得干身味道唔错。嫩鸡煨面份量的骰，鸡汤味浓，配合鸡肉粒同菜粒确系嫩滑。最后当然要食返招牌灌汤小笼包，小笼包内有满满嘅上汤，趁热食真一流。 而且小笼包手工唔错，折纹收口都好靓。香菜带子过桥水饺用了新鲜，伴以芫荽真系一个几好嘅配搭。香蕉高力豆沙同平时食开嘅口感唔同，感觉有点似面包。入面仲有香蕉同红豆。