Chalet (已結業)

生日月第二弹，朋友带咗我哋荃湾一间西餐厅庆祝🥳 餐厅门面，比我有一种去咗外国小木屋食西餐嘅感觉。由于星期六晚食饭比较人多，我哋有幸可以被分配到阁楼食饭。装修以木系为主，我哋仲可以拣去坐沙发添！餐厅set dinner都好吸引，但系我哋更加想食佢嘅Risotto 同埋Pasta🤣首先我哋叫咗一个黑松露薄片意大利饭配美国大啡菇牛肝菌泡沫。个risotto 好香好creamy, 黑松露味都好重。大啡菇都煎到啱啱好，配埋牛肝菌泡沫，令到啲菇味更加出。另外我哋都叫咗一个西班牙红虾意粉配柚子泡沫。意粉同样卖相好靓，而个意粉嘅味道都好出色。意粉好浓味，用咗好多虾肉同埋虾膏一齐煮，但因为个柚子泡沫中和返，食落口唔会觉得好腻。另外我哋都嗌左一个芝士薯条。薯条炸得好香脆，配上面嘅浓浓嘅芝士一齐食，真系越食越上瘾🤤最后当然要食个甜品啦！我哋叫咗朱古力心太软配云呢拿雪糕。心太软都做到好出色，出边个皮唔系好厚，个皮嘅外层食落口仲脆脆地，加上唔太甜, 暖暖地嘅朱古力浆一齐食，真系觉得好正🤤中间又可以食下云呢拿雪糕，中和返朱古力嘅苦味。