丼丼亭 (已結業)

一班朋友gathering食饭吹水，当然要揾间坐得舒服，食物又OK的餐厅，今次㨂左黄埔的丼丼亭。苦瓜豚肉釜饭，好有港式煲仔饭的感觉。底下全部都系卜卜脆的饭焦，呢排天气咁冻，食呢个真系啱晒，暖笠笠。刺身拼盘，包括有三文鱼、吞拿鱼、三文鱼籽等，每一款都好新鲜，而且仲要系每一片都咁厚，食落好有口感。另外，经餐厅的经理介绍，店舖的招牌菜系原条鳗鱼天妇罗喇。一开始都会带少少怀疑，呢种煮法的鳗鱼食落会唔会好腥，但原来炸过的鳗鱼，好香口，而且一啲腥味都无，好彩无走宝。最后就系松叶蟹梅子海鲜锅，我地追加左一份安格斯牛肉，加埋豆腐、冬菇、海鲜及蔬菜等等的配料，真系好满足的一餐呀😆。